Nehemiah 13:3 - Yn Vible Casherick 1775 1819

³ Nish haink eh gy-kione, lurg daue v’er chlashtyn y leigh, dy ren ad ooilley’n sluight joarree y scarrey veih Israel.

Nehemiah 13:3 ပူးပေါင်းရင်းမြစ်များ

Ezra 10:11

Nish er-y-fa shen, gow-jee rish nyn beccaghyn gys y Chiarn, Jee nyn ayraghyn, as jean-jee e aigney, as scarr-jee shiu hene veih pobble y cheer, as veih mraane joarree.

Ezra 9:2

Son t’ad er n’ghoaill ny inneenyn oc daue hene, as da nyn mec, myr shen dy vel y sluight casherick er nyn lhiantyn gys pobble ny cheeraghyn shen; dy jarroo, ta eer ny princeyn, as ny fir-reill er n’ghoaill y raad ayns y drogh chooish shoh.

Nehemiah 10:28

As y chooid elley jeh’n pobble, ny saggyrtyn, ny Leviteyn, porteryn ny giattyn, ny fir-chiaullee, ny Nethinimee, as adsyn ooilley v’er scarrey ad-hene veih pobble ny ashoonee, dy reayll leigh Yee, ny mraane, ny mec, as ny inneenyn oc, dy chooilley unnane v’er jeet gys keeayll as tushtey:

Nehemiah 9:2

As ren sluight Israel scarrey ad-hene veih’n chloan joarree, as hass ad seose, as ghow ad rish ny peccaghyn oc hene, as peccaghyn nyn ayraghyn.

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Exodus 12:38

As hie ymmodee dy leih elley ren lhiantyn huc seose myrgeddin mâroo; as shioltaneyn, as shellooyn, eer niart maase.

Raaghyn Creeney 6:23

Son ta’n anney myr cainle, as ta’n leigh soilshey; as smaght lesh ynsagh, te raad y vea.

Earrooyn 11:4

As ren earrooyn elley jeh ny joarreeyn va ny mast’ oc gaase miandagh: as huitt cloan Israel myrgeddin er gaccan as keayney, as dooyrt ad, Quoi ver dooin feill dy ee.

Romanee 3:20

Shen-y-fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.