Nehemiah 11:3 - Yn Vible Casherick 1775 1819

³ Nish ad shoh ard-gheiney yn rheam, va cummal ayns Jerusalem: agh ayns ard-valjyn Yudah, va dagh unnane ayns e chummal ayns ny ard-valjyn oc; ta shen, Israel, ny saggyrtyn, as ny Leviteyn, as ny Nethinimee, as cloan fir-oik Solomon.

Nehemiah 11:3 ပူးပေါင်းရင်းမြစ်များ

Ezra 2:1

Nish, ad shoh cloan y rheam, ren chyndaa veih’n chappeeys, eer y chloan ocsyn, va Nebuchadnezzar ree Vabylon er choyrt lesh ersooyl gys Babylon, as va nish er jeet reesht gys Jerusalem as Judah, dagh unnane gys e valley hene;

Ezra 2:43

Ny Nethinimee: cloan Ziha, cloan Hasupha, cloan Tabbaoth,

Ezra 2:70

Shoh myr ren ny saggyrtyn as ny Leviteyn, as ayrn jeh’n pobble, as ny kiaulleyderyn, as gardyn ny giattyn, as ny Nethinimee, cummal ayns ny baljyn oc hene, as ooilley Israel ayns ny baljyn oc hene.

Nehemiah 11:20

As va’n chooid elley jeh Israel, jeh ny saggyrtyn, as ny Leviteyn, ayns ooilley ard-valjyn Yudah, dagh unnane ayns e eiraght.

Nehemiah 11:4

As va cummal ec Jerusalem paart jeh cloan Yudah, as jeh cloan Venjamin: jeh cloan Yudah; Athaiah mac Uzziah, mac Zechariah, mac Amariah, mac Shephatiah, mac Mahalaleel, jeh cloan Pherez;

Nehemiah 7:39

Ny saggyrtyn: cloan Yedaiah jeh thie Yeshua, nuy cheead three-feed as three-jeig.

Nehemiah 7:43

Ny Leviteyn: cloan Yeshua, jeh Kadmiel, as jeh cloan Hodevah, three-feed as kiare-jeig.

Nehemiah 7:46

Ny Nethinimee: cloan Ziba, cloan Hashupha, cloan Tabbaoth,

Nehemiah 7:6

Shoh cloan y rheam haink reesht veih’n chappeeys, jeusyn va goit ersooyl, va Nebuchadnezzar ree Vabylon er choyrt lesh ersooyl, as haink reesht gys Jerusalem as Judah, dagh unnane gys e ard-valley hene;

Nehemiah 7:7

Haink marish Zerubbabel: Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah; shoh va earroo ny deiney jeh pobble Israel;

Nehemiah 7:73

Myr shen, ren ny saggyrtyn as ny Leviteyn, ny porteryn as ny kiaulleyderyn, as mooarane jeh’n pobble, as ny Nethinimee, as ooilley Israel, cummal ayns ny ard-valjyn oc: as ayns y chiaghtoo vee, va cloan Israel cummal ayns nyn ard-valjyn.