Nehemiah 1:9 - Yn Vible Casherick 1775 1819

⁹ Agh my nee shiu chyndaa hym’s, as freayll my annaghyn, as cooilleeney ad, ga dy beagh paart j’iu eiyrit magh gys ardjyn sodjey magh y theihll, foast neem’s ad y haglym veih shen, as ver-ym lhiam ad gys yn ynnyd ta mee er reih, dy hoiaghey m’ennym ayn.

Nehemiah 1:9 ပူးပေါင်းရင်းမြစ်များ

1 Reeaghyn 8:48

As myr shen ad dy hyndaa hood’s lesh ooilley nyn gree, as lesh ooilley nyn annym, ayns cheer nyn noidyn hug lhieu ad ayns cappeeys, as guee hood’s lesh y cheer hug oo da nyn ayraghyn, yn ard-valley t’ou uss er reih, as yn thie ta mish er hroggal son dt’ennym:

1 Reeaghyn 9:3

As dooyrt y Chiarn rish, Ta mee er chlashtyn dty phadjer as dt’accan t’ou er n’yannoo kiongoyrt rhym: ta mee er chasherickey yn thie shoh t’ou er hroggal, dy choyrt my ennym ayn son dy bragh; as bee my hooillyn as my chree ayn dy kinjagh.

1 Recortyssyn 16:35

As abbyr-jee, Saue shin, O Yee nyn saualtys, as chaggil shin cooidjagh, as livrey shin veih ny ashoonee, dy vod mayd booise ’choyrt da dty ennym casherick, as boggyssagh ayns dty voylley.

Ezra 6:12

As dy jean y Jee, ta’n ennym echey er ny ooashlaghey ayns shen, stroie dy chooilley ree as pobble, ver nyn laue dy chaghlaa, ny dy stroie yn thie shoh dy Yee, t’ec Jerusalem: ta mish Darius er n’yannoo decree, lhig da ve chelleeragh cooilleenit.

Psalmyn 107:3

As er nyn jaglym ass ny cheeraghyn, veih’n niar, as veih’n neear: veih’n twoaie, as veih’n jiass.

Psalmyn 147:2

Ta’n Chiarn troggal seose Jerusalem: as chaglym cooidjagh kynneeyn skeaylt Israel.

Isaiah 11:12

As troggee eh seose mergey, as tayrnee eh dy cheilley eebyrtee Israel, as chaglee eh cooidjagh skeayltee Yudah veih kiare ardjyn yn aer.

Isaiah 27:12

As hig eh gy-kione ’sy laa shen, dy jean y Chiarn bwoalley mygeayrt veih ammyr ny hawin gys strooan Egypt, as bee shiuish er nyn jaglym, fer as fer, O shiuish chloan Israel.

Isaiah 56:8

Ta’n Chiarn Jee, ta chaglym cooidjagh eebyrtee Israel, gra, Foast chagl-yms t’ooilley huggey, mâroosyn ta hannah er jeet stiagh huggey.

Jeremiah 12:15

As hig eh gy-kione, lurg dou ve er n’eiyrt ad magh chyndaa-ym reesht, as bee’m chymmoil orroo, as ver-ym lhiam reesht dy chooilley ghooinney gys e eiraght, as dy chooilley ghooinney gys e halloo.

Jeremiah 3:14

Chyndaa-jee, O chloan chooyl-skyrraghtyn, ta’n Chiarn dy ghra, son ta mish poost riuish: as nee’m shiu y ghoaill fer ass ard-valley, as jees ass lught-thie, as ver-ym lhiam shiu gys Zion:

Jeremiah 31:10

Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.

Jeremiah 32:37

Cur-my-ner, chaglym’s ad ass dy chooilley heer raad deiyr mee ad ayns my chorree, as ayns my eulys, as my yymmoose hrome; as ver-ym lhiam ad reesht gys yn ynnyd shoh, as ver-yms orroo dy chummal ayns sauchys:

Jeremiah 6:22

Shoh myr ta’n Chiarn dy ghra, Cur-my-ner, ta pobble cheet veih’n cheer twoaie, as nee ashoon mooar troggal veih slystyn y theihll.

Ezekiel 14:6

Shen-y-fa, abbyr rish thie Israel, Myr shoh ta’n Chiarn Jee dy ghra, Gow-jee arrys, as scarr-jee rish nyn yallooyn, as chyndaa-jee nyn eddin veih ooilley nyn beccaghyn eajee.

Ezekiel 36:24

Son goyms shiu veih mastey ny ashoonee, as chaglym shiu ass ooilley ny cheeraghyn, as ver-ym lhiam shiu gys nyn dhalloo hene.

Leviticus 26:3

My nee shiu shooyl ayns my lattyssyn, as freayll m’annaghyn, as jannoo ad;

Zechariah 8:7

Myr shoh ta Chiarn ny flaunyssee dy ghra, Cur-my-ner, saue-ym my phobble veih yn cheer-har, as veih yn cheer-heear,

Noo Mian 24:31

As ver eh magh e ainleyn lesh yn trumpet dy ard-choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Deuteronomy 12:21

My vees yn ynnyd ta’n Chiarn dty Yee er reih dy choyrt e ennym ayn, roud voïd; eisht nee oo marroo jeh dty helloo as dty hioltane, ta’n Chiarn er choyrt dhyt, myr ta mee er dty harey, as nee oo gee ec dty hie hene, cre-erbee ta dty aigney cur mian da.

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet:

Deuteronomy 30:1

As hig eh gy-kione, erreish da ooilley ny reddyn shoh v’er jeet ort, yn bannaght as y mollaght, ta mee er hoiaghey royd, as tra chooinys oo orroo, mastey ny ashoonyn, huc ta’n Chiarn dty Yee er n’eiyrt oo,