Nehemiah 1:7 - Yn Vible Casherick 1775 1819

⁷ Ta shin er ghellal feer vee-viallagh dt’oï, as cha vel shin er vreaylley ny annaghyn, ny slattyssyn, as ny briwnyssyn doardee oo liorish dty harvaant Moses.

Nehemiah 1:7 ပူးပေါင်းရင်းမြစ်များ

1 Reeaghyn 2:3

As freill sarey yn Chiarn dty Yee, dy hooyl ayns e raaidyn, dy reayll e lattyssyn, as e annaghyn, as e vriwnyssyn, as e recortyssyn, myr te scruit ayns leigh Voses, dy vod oo bishaghey ayns ooilley ny t’ou dy yannoo, as cre theihll y raad t’ou chyndaa oo-hene.

2 Recortyssyn 25:4

Agh cha varr eh yn chloan oc, agh ren eh myr te scruit ayns lioar Voses, raad doardee yn Chiarn, gra, Cha bee ny ayraghyn er nyn goyrt gy-baase son y chloan, ny foast yn chloan son nyn ayraghyn, agh bee dy chooilley ghooinney er ny choyrt gy-baase son e pheccah hene.

2 Recortyssyn 27:2

As ren eh shen ny va cairagh ayns shilley’n Chiarn, cordail rish ooilley ny ren e ayr Uzziah: ny-yeih cha jagh eh stiagh ayns chiamble y Chiarn. As cha row’n pobble foast ’sy raad chair.

Ezra 7:6

Hie Ezra shoh seose veih Babylon, as v’eh ny scrudeyr slane ynsit ayns leigh Voses, va’n Chiarn Jee Israel er harey: as hug y ree daa ooilley e yeearree, myr va laue yn Chiarn e Yee mârish.

Psalmyn 106:6

Ta shin er n’yannoo peccah marish nyn ayraghyn: ta shin er chur rish aggair, as er ghellal dy olk.

Psalmyn 89:31

Agh my hreigys yn chloan echey my leigh: as nagh n’immee ad ayns my vriwnyssyn;

Psalmyn 89:32

My vrishys ad my lattyssyn, as nagh vreill ad m’annaghyn; neem’s ny foiljyn oc y cherraghey lesh y clatt, as nyn beccah lesh buillaghyn.

Isaiah 1:4

Ah, ashoon peccoil, pobble laadit lesh olk, sluight dy ghrogh-yantee, cloan stroialtagh! t’ad er hreigeil y Chiarn, t’ad er vrasnaghey jymmoose fer-casherick Israel, t’ad er hyndaa cooyl rhym.

Daniel 9:11

Dy jarroo, ta ooilley Israel er vrishey dty leigh, eer liorish goll er-shaghryn, nagh dug ad biallys da dty choraa, shen-y-fa, ta’n mollaght er ny gheayrtey orrin, as y breearrey ta scruit ayns leigh Voses shirveishagh Yee, er-yn-oyr dy vel shin er n’yannoo peccah n’oï.

Daniel 9:13

Myr te scruit ayns leigh Voses, ta ooilley yn olk shoh er jeet orrin: ny-yeih cha ghow shin nyn badjer gys y Chiarn y Jee ain, dy hyndaa veih nyn ghrogh-yannoo, as dy hoiggal dty ynrickys.

Hosea 9:9

T’ad er hayrn loght trome orroo hene, myr ayns laghyn Ghibeah: shen-y-fa nee eh cooinaghtyn er nyn mee-chairys, nee eh goaill cooilleeney son nyn beccaghyn.

Leviticus 27:34

Shoh ny oardaghyn ren y Chiarn sarey da Moses, son cloan Israel, ayns slieau Sinai.

Zephaniah 3:7

Dooyrt mee, Shickyr nee oo aggle y ghoaill roym: bee oo er dty ynsaghey, myr shen nagh beagh yn cummal oc giarit jeh, cre-erbee yn aght ren mee ad y cherraghey: ny-yeih, dirree ad dy moghey, as hie ad er ny smessey as ny smessey ayns ooilley nyn yannoo.

Malachi 4:4

Cooinee-jee er leigh Voses my hirveishagh, shen doardee mee da ayns Horeb, son ooilley Israel, marish my lattyssyn as my vriwnyssyn.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 4:5

Cur-my-ner, ta mee er choyrt reue slattyssyn as briwnyssyn, eer myr ta’n Chiarn my Yee er m’y harey, dy jinnagh shiu nyn lurg ayns y cheer, raad ta shiu goll dy ghoaill possession jeh.

Deuteronomy 5:1

As deïe Moses er ooilley Israel, as dooyrt eh roo, Eaisht, O Israel, rish ny slattyssyn as ny briwnyssyn, ta mee fockley magh diu yn laa jiu, dy vod shiu gynsaghey ad, as freayll, as cooilleeney ad.

Deuteronomy 6:1

Nish shoh ny annaghyn, ny slattyssyn, as ny briwnyssyn, doardee yn Chiarn nyn Yee dy ynsaghey diu, dy reayll ad ’sy cheer ta shiu goll dy chummal ayn:

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er-shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.