Nehemiah 1:2 - Yn Vible Casherick 1775 1819

² Dy daink Hanani fer jeh my vraaraghyn, eh-hene, as deiney elley dy Yudah mârish, as vrie mee jeu mychione ny Hewnyn va faagit as er-mayrn jeh’n chappeeys, as mychione Jerusalem.

Nehemiah 1:2 ပူးပေါင်းရင်းမြစ်များ

Genesis 14:10

As va coan Siddim lane sloghyn laaghey; as reeaghyn Sodom as Gomorrah hug ad cooyl, as huitt ad ayndoo: as adsyn ren scapail chossyn ad roue gys ny sleityn.

2 Reeaghyn 24:14

As hug eh lesh ooilley Jerusalem ersooyl, as ooilley ny princeyn, as ooilley ny deiney niartal caggee, eer jeih thousaneyn cappee, as ooilley ny keirdee, as ny gaauenyn: cha row veg faagit, er-lhimmey jeh’n boanlagh s’boghtey jeh phobble ny cheerey.

2 Reeaghyn 25:12

Agh daag captan y ghard paart jeh boghtyn y cheerey, dy ve mysh ny garaghyn-feeyney, as son eirinnee.

Ezra 9:14

Dy jinnagh shinyn reesht brishey dty annaghyn, as dy yannoo cleunys rish y pobble feohdoil shoh? nagh beagh uss corree rooin, dy stroie shin; fegooish fooilliagh, ny scapail?

Nehemiah 7:2

Dy dug mee da my vraar Hanani, as Hananiah kiannoort y phlaase, yn currym harrish Jerusalem: (son v’eh ny ghooinney ynrick, as ayns aggle Yee erskyn ymmodee).

Jeremiah 44:14

Myr shen nagh bee fer hene faagit er-mayrn jeh fooilliagh Yudah, ta er n’gholl gys cheer Egypt dy vaghey ayns shen, ny chyndaa reesht gys cheer Yudah, huggey t’ad aggindagh dy hyndaa dy chummal ayn; son cha jean veg chyndaa agh lheid as nee cosney roue.

Ezekiel 6:9

As nee ny scapailtee jiuish cooinaghtyn orrym’s, mastey ny ashoonyn, ayns cheer nyn gappeeys, er-yn-oyr dy vel mee seaghnit lesh nyn greeaghyn maarderagh, t’er nyn scarrey voym’s, as lesh nyn sooillyn, ta geiyrt er maarderys lurg nyn yallooyn: as ver ad dwoaie daue hene son ooilley ny huilk shen t’ad er n’yannoo, lesh ooilley nyn obbraghyn eajee.

Ezekiel 7:16

Agh adsyn chosnys roue, nee ad scapail, as bee ad er ny sleityn cooagey myr calmaneyn, as ad ooilley dobberan dagh unnane son e vee-chairys.