Nehemiah 1:10 - Yn Vible Casherick 1775 1819

¹⁰ Nish ad shoh dty harvaantyn, as dty phobble, t’ou er livrey liorish dty phooar niartal, as lesh dty laue lajer.

Nehemiah 1:10 ပူးပေါင်းရင်းမြစ်များ

Psalmyn 136:12

Lesh laue niartal as roih sheeynit magh: son ta e vyghin farraghtyn son dy bragh.

Psalmyn 74:2

O smooinee er dty phobble t’ou er chionnaghey, as er veaysley er-dyn chenn earish.

Psalmyn 89:14

Ta roih niartal ayd: s’lajer ta dty laue’s, as ard ta dty laue yesh.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Exodus 13:16

As bee shoh son cowrey er dty laue, as son cooinaghtyn roish dty hooillyn: son lesh laue lajer hug y Chiarn lesh shin magh ass Egypt.

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 13:9

As bee eh son cowrey dhyt er dty laue, as son cooinaghtyn roish dty hooillyn; dy vod leigh’n Chiarn ve ayns dty veeal: son lesh laue lajer ta’n Chiarn er chur lesh oo magh veih Egypt.

Exodus 15:13

Ayns dty vyghin, t’ou er leeideil magh dty phobble, daue t’ou er choyrt livrey-ys: t’ou er leeideil ad ayns dty niart gys dty chummal casherick.

Exodus 32:11

As ghow Moses padjer jeean gys y Chiarn e Yee, as dooyrt eh, Hiarn, cre’n-fa ta dty yymmoose brishey magh cha trome noi dty phobble, hug oo lhiat magh ass cheer Egypt, lesh ard phooar, as lesh laue niartal?

Exodus 6:1

Eisht dooyrt y Chiarn rish Moses, Nish nee oo fakin, cre nee’m y yannoo rish Pharaoh: son lesh laue lajer lhiggee eh yn raad daue, as lesh laue niartal eh hene nee geiyrt ad magh ass e heer.

Exodus 6:6

Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.

Exodus 6:7

As goym shiu son pobble dou hene, as beem’s my Yee diuish: as bee fys eu, dy nee mish y Chiarn y Jee euish, ta coyrt livrey-ys diu veih bondiaght ny Egyptianee.

Isaiah 64:9

Ny bee feer jymmoosagh, O Hiarn, chamoo cooinee er y vee-chairys ain son dy bragh: cur-my-ner, jeeagh, ta shin guee ort, ta shin ooilley dty phobble.

Deuteronomy 15:15

As nee oo cooinaghtyn dy r’ou hene ayns bondiaght ayns cheer Egypt, as dy ren y Chiarn dty Yee dty livrey: shen-y-fa ta mee coyrt yn red shoh er dty churrym jiu.

Deuteronomy 9:29

Ny-yeih dty phobble ad, as dty eiraght hene, hug oo lhiat magh liorish dty phooar niartal, as lesh dty roih sheeynt magh.