Micah 7:9 - Yn Vible Casherick 1775 1819

⁹ Nee’m gymmyrkey jymmoose y Chiarn, er-yn-oyr dy vel mee er n’yannoo peccah n’oï, derrey nee eh loayrt ass my lieh, as briwnys y chooilleeney er my hon: ver eh lesh mee magh gys y toilshey, as ver-ym my-ner e chairys.

Micah 7:9 ပူးပေါင်းရင်းမြစ်များ

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

Lioar Yob 23:10

Agh shione dasyn my ymmyrkey: tra t’eh er my phrowal, hig-ym magh myr airh.

Lioar Yob 35:14

Ga t’ou gra nagh jean oo eshyn y akin, ny-yeih ta briwnys kiongoyrt rish; shen-y-fa cur uss dty varrant ersyn.

Psalmyn 119:154

Gow my chooish ayns laue as livrey mee: jean mee y vioghey cordail rish dty ghoo.

Psalmyn 37:6

Nee eh dty chairys y yannoo cha sollys as y soilshey: as dty ghellal yeeragh myr y vun-laa.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Psalmyn 7:6

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 94:15

Derrey hyndaa-ys cairys reesht gys briwnys: nee adsyn ooilley ta firrinagh ayns cree geiyrt er.

Isaiah 42:16

As ver-ym lhiam ny doail er raad nagh row nyn oayll; leeid-ym ad ayns cassanyn nagh bione daue: nee’m yn dorraghys y yannoo sollys rhymboo, as ny raaidyn cammey jeeragh. Ny reddyn shoh nee’m er nyn son, as cha dreig-ym ad.

Isaiah 42:7

Dy osley sooillyn y doal, dy choyrt feaysley da ny pryssoonee, as dauesyn ta soie ayns dorraghys veih diunid y phryssoon.

Isaiah 46:13

Ver-ym lhiam my ynrickys er-gerrey; cha bee eh foddey jeh, as cha jean my haualtys cumrail; as soie-yms saualtys ayns Zion cour Israel my ghloyr.

Isaiah 51:22

Shoh myr ta dty Hiarn, yn Chiarn, as dty Yee ta pleadeil cooish e phobble, dy ghra, Cur-my-ner, ta mee er n’ghoaill ass dty laue yn cappan atchimagh, eer drundin cappan my eulys; cha n’iu oo jeh arragh:

Isaiah 56:1

Myr shoh ta’n Chiarn gra, Freill-jee briwnys, as eiyr-jee da cairys: son ta my haualtys er-gerrey dy laue, as my ynrickys dy ve er ny hoilshaghey.

Jeremiah 10:19

Smerg dooys kyndagh rish yn assee t’aym! ta my lhott angaishagh: agh dooyrt mee, Dy firrinagh ta shoh my cherraghey trome, as shegin dou eh y ymmyrkey.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Jeremiah 51:10

Ta’n Chiarn er hoilshaghey yn chairys ain: tar-jee as lhig dooin fockley-magh ayns Sion obbyr y Chiarn yn Jee ain.

Dobberan 1:18

Ta’n Chiarn ynrick, son ta mee er n’irree-magh noi e annaghyn: clasht-jee, ta mee guee erriu, ooilley shiuish phobble, as cur-jee my-ner my hrimshey: ta my voidynyn as my gheiney aegey er n’gholl ayns cappeeys.

Leviticus 26:41

As dy vel mish neesht er choyrt cooyl roosyn, as er chur lhiam ad gys cheer nyn noidyn; my vees eisht nyn greeaghyn mee-viallagh er nyn injillaghey, as ad dy ghoaill rish kerraghey nyn beccaghyn:

Malachi 3:18

Eisht nee shiu chyndaa, as ver shiu lhiettrimmys eddyr y dooinney cairal, as mee-chairal; eddyr eshyn ta shirveish Jee, as eshyn nagh vel shirveish eh.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my-lomarcan, agh dauesyn ooilley myrgeddin ta graihagh er y cheet echey.

Ashlish 18:20

Bee-jee boggyssagh er-e-skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

1 Samuel 24:15

Dy bee yn Chiarn er-y-fa shen ny vriw, as dy jean eh briwnys eddyr mish as uss, as fakin, as goaill seose my chooish, as m’y livrey ass dty laue.

1 Samuel 25:39

As tra cheayll David dy row Nabal marroo, dooyrt eh, Bannit dy row’n Chiarn ta er n’ghoaill seose cooish my scammylt veih laue Nabal, as er lhiettal e harvaant veih olk: son ta’n Chiarn er hyndaa olkys Nabal er e chione hene. As hug David fys, lesh cheb gys Abigail, dy ghoaill ee son ben.

1 Samuel 26:10

Dooyrt David ny-sodjey, Myr ta’n Chiarn bio, nee’n Chiarn eh y woalley; ny hig laa e vaaish er; er-nonney hed eh sheese gys caggey, as cherraghtyn ayns shen.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.