Micah 7:4 - Yn Vible Casherick 1775 1819

⁴ Ta’n fer share jeu myr y dress as yn er s’jeeree jeu ny s’byrragh na’n cleiy drineagh: ta laa dty arreyderyn as dty cherraghey er jeet ort; nish hig nyn angaish anmey.

Micah 7:4 ပူးပေါင်းရင်းမြစ်များ

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Isaiah 22:5

Son te laa dy heaghyn as dy arkys, as dy hrimshey veih’n Chiarn, Jee ny flaunyssee, ayns coan yn ashlish, jeh brishey sheese ny voallaghyn, as eam gys ny sleityn.

Isaiah 55:13

Ayns ynnyd y drine nee gaase seose yn billey-juys, as ayns ynnyd y dress hig seose yn billey-myrtle: as bee eh da’n Chiarn son ennym, son cowrey dy bragh farraghtyn, nagh bee er ny yiarey jeh.

Jeremiah 10:15

T’ad fardail, as obbyr y volteyrys: ayns earish nyn gerraghey nee ad cherraghtyn.

Jeremiah 11:23

As cha bee fooilliagh erbee jeu faagit, son ver-yms lhiam olk er deiney Anathoth, eer bleïn nyn gerraghey.

Jeremiah 46:21

Ta ny deiney-caggee failt ecksh neesht cheu-sthie j’ee myr dew beiyht; son t’adsyn myrgeddin er chur cooyl, as er roie er-chea dy cheilley: cha hass ad, son dy row yn laa trome er jeet orroo, as earish nyn gerraghey.

Jeremiah 8:12

Row nearey orroo tra v’ad er n’yannoo yn peccah dwoaiagh? beggan, cha ghow ad veg y nearey, chamoo ren ad jiargaghey: shen-y-fa nee ad tuittym ny mast’ oc shen huittys; tra hig-yms orroo ayns kerraghey, bee ad lhieggit gys yn ooir, ta’n Chiarn dy ghra.

Ezekiel 2:6

As uss, vac y dooinney, ny gow aggle roue hene, ny roish ny goan oc, ga dy vel dressyn as drineyn mayrt, as dy vel oo cummal mastey ard-nieughyn: ny gow aggle roish ny goan oc, chamoo bee atchimagh roish y chilley oc, ga dy vel ad thie mee-viallagh.

Ezekiel 28:24

As cha bee ny-sodjey ayn yn dress yialgagh da thie Israel, ny drine geuagh jeusyn ooilley ta mygeayrt-y-moo, ren soiaghey beg jeu; as bee fys oc dy nee mish y Chiarn Jee.

Amos 8:2

As dooyrt eh, Amos, cre t’ou fakin? As dooyrt mee, Baskad dy vessyn-souree. Eisht dooyrt y Chiarn rhym’s, Ta’n jerrey er jeet er my phobble Israel, cha lhiggym shaghey ny-sodjey.

Nahum 1:10

Son choud as t’ad cast fud-y-cheilley myr ny drineyn, as nyn geeayl voue, myr deiney meshtal, bee ad stroit myr stubble slane creen

Noo Luke 21:25

As bee cowraghyn ayns y ghrian, as ayns yn eayst, as ayns ny rollageyn: as er y thalloo seaghyn er ashoonyn, as angaish; yn faarkey, as ny tonnyn freaney;

Hebrewnee 6:8

Agh ta shen ta gymmyrkey drineyn as dressyn, faagit mooie, as faggys da mollaght; ta’n jerrey echey dy ve losht.