Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Micah 7:3 - Yn Vible Casherick 1775 1819

3 Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

အခန်းကိုကြည့်ပါ။ ကော်ပီ




Micah 7:3
26 ပူးပေါင်းရင်းမြစ်များ  

T’eh meekey lesh e hooillyn, dy smooinaghtyn er olk, gleashagh e veillyn, t’eh cur yn olk er y hoshiaght.


Ta dooinney mee-chrauee goaill leagh dy follit, dy chassey raaidyn y vriwnys.


Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.


Son cur-my-ner, ta’n Chiarn cheet magh ass e ynnyd dy cherraghey cummaltee yn theihll son nyn mee-chairys: nee’n ooir myrgeddin yn uill eck y vrah, as cha jean ee ny-sodjey ny merriu eck y cheiltyn.


As bee yn pobble tranlaasit, yn derrey yeh liorish yn jeh elley, as dagh unnane liorish e naboo: nee yn lhiannoo gymmyrkey eh-hene dy roonagh noi yn chanstyr, as y moodjeen noi yn dooinney onnoroil.


Ta aghtyn yn er-sondagh myrgeddin an-chiart: t’eh smooinaghtyn er saaseyn cluicagh dy stroie yn boght lesh goan breagagh, eer ayns cooish chairal yn ymmyrchagh.


Ta seyrey ny mee-chrauee son leagh, as cassey cairys yn dooinney cairal!


Jean eh e yymmoose y lhiettal son dy bragh? jean eh freayll eh gys y jerrey? Cur-my-ner, t’ou er loayrt as er n’yannoo olk gys rere dty phooar.


Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.


Shen-y-fa ver-yms ny mraane oc da feallagh elley, as ny magheryn oc da eiraghyn joarree: son ta dy chooilley unnane, veih’n er sloo gys yn er smoo, sondagh er cosney; veih’n phadeyr eer gys y taggyrt, ta dy chooilley unnane dellal dy foalsey.


Aynyd’s t’ad er ghoaill leagh son deayrtey fuill, t’ou er ghoaill use as bishaghey, as t’ou dy sondagh er ghoaill vondeish er-êgin dty naboonyn, as t’ou er my yarrood, ta’n Chiarn Jee dy ghra.


Ta ny princeyn eck ayns e mean, myr moddee-oaldey jollyssagh lurg y spooilley, dy gheayrtey fuill, as dy stroie anmeenyn, dy gheddyn cosney neu-chairagh.


Cur-my-ner princeyn Israel, va dagh fer jeu mayrt’s rere nyn booar, son deayrtey fuill.


Er-yn-oyr dy vel shiu er phuttey lesh lhiattee as lesh geaylin, as er lhottey ooilley ny va doghanit lesh nyn eairkyn, derrey ta shiu dy lhean er skeayley ad:


Eisht dooyrt eh rhym, Ta mee-chraueeaght thie Israel as Judah erskyn-earroo mooar, as ta’n cheer roie harrish lesh fuill, as ta’n ard-valley lane dy vee-chairys: son t’ad gra, Ta’n Chiarn er hreigeil y thalloo, as cha vel y Chiarn cur-my-ner.


Ta’n jough oc er n’gholl eig: t’ad er n’eiyrt dy kinjagh er maarderys: ta ny fir-reill eck dy scammyltagh aggindagh er, T’ooilley.


T’ad jannoo boggey da’n ree lesh nyn olkys, as da ny reejereeyn lesh nyn mreagyn.


Son shione dooys nyn ymmodee loghtyn as earroo nyn ard-pheccaghyn: t’ad seaghney yn vooinjer chairal, t’ad goaill leagh, as cassey cooish chairal y voght ’sy yiat.


Dy jarroo er y gherrit shoh ta my phobble er n’irree seose myr noid: ta shiu roostey yn coamrey, as y garmad jeh ny troailtee sheeoil, sleih nagh vel son caggey.


Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.


Ta dwoaie eu er yn vie, as graih eu er yn olk, ta speeiney nyn grackan jeu, as scryssey yn eill oc veih nyn graueyn.


As dooyrt eh roo, Cre ver shiu dooys, as livrey-ym diuish eh? As choard ad rish son jeih peeshyn as feed dy argid.


Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ