Micah 7:2 - Yn Vible Casherick 1775 1819

² Ta’n dooinney crauee er jerraghtyn veih yn thalloo; as cha vel fer ynrick mastey deiney: t’ad ooilley lhie cooyl-chlea son fuill: t’ad shelg dy chooilley ghooinney e vraar lesh ribbey.

Micah 7:2 ပူးပေါင်းရင်းမြစ်များ

Psalmyn 10:9

Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Psalmyn 12:1

Cooin lhiam, Hiarn, son cha vel un dooinney crauee faagit: son cha vel y vooinjer ynrick agh goan mastey cloan gheiney.

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Psalmyn 57:6

Soie oo hene seose, O Yee, erskyn ny niaughyn: as dty ghloyr erskyn ooilley’n seihll.

Raaghyn Creeney 1:11

My jir ad, Tar mârin, lhig dooin lhie cooyl-chlea son fuill, lhig dooin farkiaght gyn-yss, as dy follit son y vooinjer neu-chyndagh, gyn oyr.

Raaghyn Creeney 12:6

Ta goan ny mee-chrauee dy lhie farkiaght son fuill: agh nee beeal y chloan chairal adsyn y livrey.

Isaiah 3:5

As bee yn pobble tranlaasit, yn derrey yeh liorish yn jeh elley, as dagh unnane liorish e naboo: nee yn lhiannoo gymmyrkey eh-hene dy roonagh noi yn chanstyr, as y moodjeen noi yn dooinney onnoroil.

Isaiah 57:1

Ta’n dooinney cairal cherraghtyn, as cha vel dooinney erbee goaill eh gys e chree; as ta deiney giastyllagh goit ersooyl, gyn fer erbee smooinaghtyn dy vel yn dooinney ynrick goit ersooyl veih’n olk ta ry-heet.

Isaiah 59:7

Ta ny cassyn oc roie gys olk, as gastey dy gheayrtey fuill gyn-loght: ta ny smooinaghtyn oc smooinaghtyn dy vee-chairys; ta traartys as treihys ayns nyn raaidyn.

Isaiah 9:19

Liorish jymmoose Chiarn ny flaunyssee ta’n cheer fo dorraghys, as bee’n pobble myr stoo cour yn aile: cha jean dooinney erbee lhiggey lesh e vraar.

Jeremiah 16:16

Cur-my-ner, ver-ym fys er ymmodee eeasteyryn, ta’n Chiarn dy ghra, as nee ad y hayrtyn ad; as ver-ym fys er ymmodee shelgeyryn, as nee ad y helg ad veih dy chooilley lieau, as veih dy chooilley chronk, as veih guaggyn ny creggey.

Jeremiah 5:16

Ta’n bolg-side oc oaie foshlit, t’ad ooilley nyn gheiney trean.

Jeremiah 5:26

Son mastey my phobble ta drogh gheiney ry-gheddyn: t’ad lhie farkiaght myr y chelgeyr; t’ad soiaghey ribbey, t’ad tayrtyn deiney.

Jeremiah 8:6

Deaisht mee as chlin mee, agh va ny goan oc foalsey; cha ghow dooinney jeu arrys son e vee-chraueeaght, gra, Cre shoh ta mee er n’yannoo? dagh fer chyndaa gys e henn chliaghtey, myr ta’n cabbyl chionney stiagh gys y chaggey.

Dobberan 4:18

T’ad shelg nyn gesmadyn, nagh vod mayd goll trooid nyn straïdyn: ta’n jerrey ain er-gerrey, ta nyn laghyn harrish, son ta’n jerrey ain er jeet.

Ezekiel 22:12

Aynyd’s t’ad er ghoaill leagh son deayrtey fuill, t’ou er ghoaill use as bishaghey, as t’ou dy sondagh er ghoaill vondeish er-êgin dty naboonyn, as t’ou er my yarrood, ta’n Chiarn Jee dy ghra.

Ezekiel 24:6

Shen-y-fa myr shoh ta’n Chiarn Jee dy ghra, Smerg da’n ard-valley folley, da’n phot, ta’n veeaylys echey ayn, as nagh vel y veeaylys echey er n’gholl magh ass, cur-jee lhieu magh eh, peesh as peesh, ny lhig da cronney erbee tuittym er.

Hosea 5:1

Eaisht-jee rish shoh, O haggyrtyn, as cur-jee tastey, shiuish hie Israel, as jean-jee clashtyn, O hie yn ree; son ta briwnys ny chour eu, er-yn-oyr dy vel shiu er ve ny ribbey er Mizpah, as myr lieen skeaylt er Tabor.

Hosea 6:9

As myr ta sheshaghtyn dy roosteyryn lhie cooyl-chlea son dooinney, myr shen ta sheshaght ny saggyrtyn coyrt nyn goyrle dy cheilley, dy yannoo dunverys er y raad: son t’ad jannoo dy eajee.

Micah 2:8

Dy jarroo er y gherrit shoh ta my phobble er n’irree seose myr noid: ta shiu roostey yn coamrey, as y garmad jeh ny troailtee sheeoil, sleih nagh vel son caggey.

Micah 3:10

T’ad troggal Zion lesh fuill, as Jerusalem lesh mee-chairys.

Micah 3:2

Ta dwoaie eu er yn vie, as graih eu er yn olk, ta speeiney nyn grackan jeu, as scryssey yn eill oc veih nyn graueyn.

Zechariah 11:6

Son cha bee’m chymmoil ny-sodjey da cummaltee yn cheer, ta’n Chiarn dy ghra: son cur-my-ner, livrey-yms ny deiney dagh unnane gys laue e naboo, as gys laue e ree, as bwoaillee adsyn y cheer, as cha livrey-ym ad ass nyn laue.

Jannoo 24:9

As va ny Hewnyn er yn un ghlare rish, gra, dy nee shen myr va’n chooish.

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.

1 Samuel 26:20

Nish er-y-fa shen, ny lhig da my uill tuittym gys y thalloo fenish y Chiarn: son ta ree Israel er jeet magh dy hirrey jargan, myr fer ta shelg kiark-rhennee er ny sleityn.