Micah 5:3 - Yn Vible Casherick 1775 1819

³ Shen-y-fa, ver eh ad seose, derrey t’eeish ta er-troailt er n’ymmyrkey: eisht nee yn chooid elley jeh e vraaraghyn chyndaa reesht gys cloan Israel.

Micah 5:3 ပူးပေါင်းရင်းမြစ်များ

1 Reeaghyn 14:16

As livreyee eh Israel seose, kyndagh rish peccaghyn Yeroboam, eh ren peccah, as hayrn Israel gys peccah.

2 Recortyssyn 30:7

As ny bee-jee goll-rish nyn ayraghyn, as nyn mraaraghyn, ren peccah y yannoo noi’n Chiarn, Jee nyn ayraghyn, ren er-yn-oyr shen ad y livrey seose gys traartys, myr ta shin hene dy akin.

Psalmyn 67:3

Lhig da’n pobble uss y voylley, O Yee: dy jarroo lhig da ooilley’n pobble moylley ’choyrt dhyt.

Isaiah 11:11

As hig eh gy-kione ayns y laa shen, dy jean y Chiarn soiaghey e laue yn nah cheayrt dy chosney sluight e phobble vees faagit, veih Assyria, as veih Egypt, as veih Pathros, as veih Cush, as veih Elam, as veih Shinar, as veih Hamath, as veih ellanyn yn aarkey.

Isaiah 49:6

As dooyrt eh, S’aashagh te dhyt dy ve my harvaant, dy hroggal seose sheelogheyn Yacob, as dy hyndaa reesht cloan sauchey Israel; ver-yms oo myrgeddin dy ve son soilshey da ny ashoonyn, dy vod oo ve my haualtys gys ny ardjyn sodjey magh jeh’n theihll.

Jeremiah 23:5

Cur-my-ner, ta ny laghyn cheet, ta’n Chiarn dy ghra, dy drog-yms seose gys David Banglane cairal, as nee Ree reill as bishaghey, as briwnys as ynrickys y chooilleeney er y thalloo.

Jeremiah 31:1

Ec y traa cheddin, ta’n Chiarn dy ghra, beem’s Jee ooilley kynneeyn Israel, as bee adsyn my phobble’s.

Ezekiel 34:16

Nee’m shirrey son shen va caillit, as ver-ym lhiam reesht shen v’er-shaghryn, as soïll-ym seose shen va brisht, as niartee-ym shen va doghanit: agh stroie-ym ny mooaralee, as y lajer, as lesh briwnys jeeagh-yms nyn yeï.

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Hosea 2:14

Shen-y-fa, cur-my-ner, nee’m ee y chleayney, as ver-ym lhiam ee gys yn aasagh, as loayr-ym dy dooie r’ee.

Hosea 2:9

Shen-y-fa bee’m noi eck, as goym ersooyl my arroo ’syn imbagh hene, as my feeyn ’syn imbagh echey, as goym ersooyl my ollan, as my lieen, v’er ny choyrt dy choodaghey e nearey.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Micah 4:4

Agh nee ad soie dy chooilley ghooinney fo yn villey-feeyney echey hene, as fo yn villey-figgagh echey hene, as cha bee aggle orroo roish noid erbee: son ta beeal Chiarn ny flaunyssee er loayrt eh.

Micah 4:7

As ver-ym sluight jeeish va baccagh, as neem’s ashoon lajer jeeish va eiyrit foddey magh; as nee yn Chiarn reill harrystoo ayns cronk Zion, veih shoh magh dy jarroo son dy bragh.

Micah 5:7

As bee sluight Yacob ayns mean ymmodee pobble, myr y druight veih yn Chiarn, myr ny frassyn er y faiyr, nagh vel lurg aigney dooinney, ny fieau son mec deiney.

Micah 5:8

As bee sluight Yacob mastey ny ashoonee ayns mean ymmodee pobble, myr lion mastey beïyn y cheyll, myr lion aeg mastey ny shioltaneyn keyrragh: ta chammah stampey sheese, as raipey ayns peeshyn myr t’eh goll, as cha vod fer erbee livrey.

Micah 6:14

Nee oo gee, agh cha bee oo er dty yannoo magh, as bee dty lhieggey er cheu-sthie jeed, as nee oo greimmey, agh cha jean oo livrey: as shen t’ou livrey, ver-ym seose gys y chliwe.

Micah 7:13

Agh ny-yeih bee yn cheer ny hraartys kyndagh rish ny cummaltee cordail rish mess nyn yannoo.

Zechariah 10:6

As neem’s thie Yudah y niartaghey, as saue-yms thie Yoseph, as ver-ym lhiam reesht ad gys nyn ynnyd hene; son ta myghin aym orroo: as bee ad myr nagh beign er n’yiooldey voym ad: son ta mish yn Chiarn y Jee oc, as eaisht-ym roo.

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Mian 12:50

Son quoi-erbee nee aigney my Ayrey t’ayns niau, eh shen my vraar, as my huyr as my voir.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Romanee 8:29

Son adsyn honnick eh ro-laue, ren eh myrgeddin kiarail ro-laue dy ve er nyn gaghlaa gys cummey e Vac, dy voddagh eh ve yn mac shinney mastey ymmodee braaraghyn.