Micah 4:2 - Yn Vible Casherick 1775 1819

² As hig ymmodee ashoonee, as jir ad, Tar-jee as lhig dooin goll seose gys slieau y Chiarn, as gys thie Jee Yacob, as nee eh gynsaghey shin ayns e raaidyn, as nee mayd shooyl ayns e chesmadyn: as hed yn leigh magh ass Zion, as goo yn Chiarn voish Jerusalem.

Micah 4:2 ပူးပေါင်းရင်းမြစ်များ

Psalmyn 110:2

Nee’n Chiarn lorg dty phooar y chur veih Sion: bee uss dt’er-reill, eer ayns mean dty noidyn.

Psalmyn 119:1

Bannit t’adsyn ta glen ayns y raad: as ta gimmeeaght ayns leigh yn Chiarn.

Psalmyn 119:171

Nee my veillyn fockley magh dty voylley: tra t’ou er m’ynsaghey ayns dty lattyssyn.

Psalmyn 122:1

S’mooar va my voggey tra dooyrt ad rhym: Nee mayd goll gys thie’n Chiarn.

Psalmyn 25:12

Bee’n annym echey ec aash: as yiow e luight yn cheer ayns eiraght.

Isaiah 2:3

As hed ymmodee pobble, as jir ad, Tar-jee, as lhig dooin goll seose gys slieau yn Chiarn, gys thie Yee Yacob; as ynsee eh dooin eh raaidyn, as nee mayd shooyl ayns e chassanyn: son magh ass Zion hig y leigh, as goo yn Chiarn veih Jerusalem.

Isaiah 54:13

As bee ooilley dty chloan ynsit liorish y Chiarn; as s’mooar vees shee dty chlienney.

Isaiah 56:7

Eer ad shen ver-ym lhiam gys my lieau casherick, as nee’m ad gerjoil ayns my hie dy phadjer; bee soiaghey jeant jeh ny ourallyn-losht as ny chebballyn oc er my altar: son bee my hie’s enmyssit thie dy phadjer son dy chooilley phobble.

Jeremiah 31:6

Son hig y traa, dy der ny arreyderyn er cronk Ephraim eam, Trog-jee erriu, as lhig dooin goll seose gys Zion gys y Chiarn y Jee ain.

Jeremiah 42:3

Dy vod y Chiarn dty Yee jeeaghyn dooin yn raad ta shin dy ghoaill, as cre t’orrin dy yannoo.

Hosea 6:3

Eisht bee tushtey ain, my hem mayd er nyn doshiaght ayns ainjys y Chiarn: ta’n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Zechariah 14:16

As hig eh gy-kione, eer dagh unnane ta faagit jeh ooilley ny ashoonyn, haink noi Jerusalem, dy jed ad seose veih bleïn ry bleïn, dy chur ooashley da’n ree, Chiarn ny flaunyssee, as dy reayll feailley ny cabbaneyn.

Zechariah 2:11

As bee ymmodee ashoonee ayns y laa shen er ny lhiantyn gys y Chiarn, as bee ad my phobble: as neem’s cummal ayns y vean ayd’s, as bee fys ayd, dy vel Chiarn ny flaunyssee er my choyrt hood’s.

Zechariah 9:10

As giare-ym jeh yn ainagh voish Ephraim, as y cabbyl veih Jerusalem, as bee’n bow-chaggee er ny vrishey, as loayree eh shee rish ny ashoonee: as bee yn reeriaght eer veih keayn gys keayn, as veih yn awin gys ardjyn sodjey magh y thallooin.

Noo Mark 16:20

As hie ad magh, as ren ad preacheil dy chooilley raad, yn Chiarn gobbraghey mâroo; as jannoo yn goo breeoil liorish ny mirrilyn va goll lesh. Amen.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Ean 6:45

Te scruit ayns ny phadeyryn, As bee ad ooilley ynsit liorish Jee. Dy chooilley ghooinney er-y-fa shen t’er chlashtyn, as er n’ynsaghey veih yn Ayr, t’eh cheet hym’s.

Noo Ean 7:17

My vees dooinney erbee aggindagh yn aigney echeysyn y yannoo, yiow eh toiggal jeh’n ynsagh, nee veih Jee te, ny vel mee loayrt jee’m pene.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 13:42

As myr va ny Hewnyn goll magh ass y synagogue, ghuee ny Ashoonee dy beagh ny goan shoh er ny phreacheil daue yn nah ghoonaght.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Deuteronomy 6:1

Nish shoh ny annaghyn, ny slattyssyn, as ny briwnyssyn, doardee yn Chiarn nyn Yee dy ynsaghey diu, dy reayll ad ’sy cheer ta shiu goll dy chummal ayn: