Micah 2:3 - Yn Vible Casherick 1775 1819

³ Shen-y-fa shoh myr ta’n Chiarn dy ghra, Cur-my-ner noi yn lught-thie shoh, ta mee kiarail olk, voish cha vod shiu shaghney nyn mwannallyn, chamoo hed shiu dy mooaralagh: son ta’n imbagh shoh seaghnagh.

Micah 2:3 ပူးပေါင်းရင်းမြစ်များ

Isaiah 29:20

Son ta’n dewilagh er ny choyrt mow, as yn oltooanagh er ny stroie, as ta ooilley t’er nyn arrey son olkys er ny yiarey jeh;

Isaiah 3:16

Ny-sodjey na shoh, ta’n Chiarn dy ghra, Er-y-fa dy vel inneenyn Zion mooaralagh, as shooyl dy ard-wannallagh, as lesh sooillyn rouanagh, shooyl as keimyragh myr t’ad goll, as clinkeragh lesh nyn gassyn:

Isaiah 5:19

Ta gra, Lhig da siyr y yannoo, as ve tarroogh mysh e obbyr, dy vod mayd baght ’ghoaill jeh: as lhig da coyrle Fer-casherick Israel tayrn er-gerrey as cheet, dy vod mayd cur-my-ner eh!

Jeremiah 18:11

Nish er-y-fa shen, gow royd, loayr rish deiney Yudah, as rish cummaltee Yerusalem, gra, Myr shoh ta’n Chiarn dy ghra, Cur-jee my-ner, ta mee kiarail olk nyn ’oï, as ta mee smooinaghtyn son kerraghey dy choyrt erriu: chyndaa-jee nish dagh unnane veih e ghrogh raad, as jean-jee nyn raaidyn as nyn obbraghyn y lhiasaghey.

Jeremiah 27:12

Loayr mee neesht rish Zedekiah ree Yudah cordail rish ooilley ny goan shoh, gra, Cur-jee nyn mwannal fo quing ree Vabylon, as shirveish-jee eh as e phobble, as bee-jee bio beayn.

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 36:23

As haink eh gy-kione, tra va Jehudi er lhaih three ny kiare dy ghuillagyn, dy yiare yn ree eh lesh skynn-phenney, as cheau eh ’syn aile eh va er y chiollagh, derrey va ooilley yn lioar losht ’syn aile va er y chiollagh.

Jeremiah 43:2

Eisht dooyrt Azariah mac Hoshaiah, as Johanan mac Chareah, as ooilley ny mooaralee, rish Jeremiah, T’ou loayrt dy breagagh: cha vel y Chiarn y Jee ain er dty choyrt dy ghra, Ny gow-jee sheese gys Egypt dy chummal ayns shen.

Jeremiah 8:3

As bee’n baase, as cha nee bioys, er ny ghoaill myr reih liorish ooilley yn jeelym jeusyn vees er-mayrn jeh’n cheeloghe vee-chrauee shoh, vees faagit bio ayns dy chooilley voayl raad ta mee er n’eiyrt ad, ta Chiarn ny pooaraghyn flaunyssagh dy ghra.

Dobberan 1:14

Ta quing my loghtyn kianlt orrym liorish e laue’s: t’ad cast, as chionnit mysh my wannal: t’eh er lhaggaghey my niart, ta’n Chiarn er my livrey gys ny laueyn ocsyn nagh voddym shaghney.

Dobberan 2:17

Ta’n Chiarn er n’yannoo shen v’eh er chiarail: t’eh er chooilleeney e raa v’eh er harey ayns y chenn earish: t’eh er cheau sheese fegooish chymmey: as t’eh er chur er dty noid dy voggyssagh harryd, t’eh er hoiaghey seose niart dty noidyn.

Dobberan 5:5

Ta ny mwannallyn ain fo tranlaase; ta shin laboragh, as cha vel aash erbee ain.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Amos 2:14

Cha bee sauchys cour ny coshee bieau, as cha bee bree erbee ayns troshid yn er lajer, chamoo nee yn treanagh eh-hene y livrey:

Amos 3:1

Eaisht-jee rish goo yn vriwnys shoh, ta yn Chiarn er loayrt nyn ’oï, O chloan Israel, noi yn slane lught-thie shen, hug mee lhiam seose veih thalloo Egypt, gra,

Amos 3:2

Shiuish ny-lomarcan ta mee er reih jeh ooilley kynneeyn y thallooin: shen-y-fa nee’m shiu y cherraghey son ooilley nyn mee-chraueeaght.

Amos 5:13

Shen-y-fa bee yn dooinney creeney ny host ayns lheid y traa, son s’olk yn traa te.

Micah 2:1

Smerg dauesyn ta shêgin er mee-chairys, as smooinaghtyn er yn olk er nyn lhiabbaghyn! cha leah’s ta’n moghrey soilshaghey t’ad cur rish, er-yn-oyr dy vel eh ayns pooar nyn laue.

Romanee 16:4

(Ren, dy hauail my vioys, coyrt ayns dangeyr ny mwannallyn oc hene: dauesyn cha nee mish my-lomarcan ta coyrt booise, agh myrgeddin ooilley kialteenyn ny Hashoonee).

Ephesianee 5:16

Jannoo ymmyd mie jeh’n traa, er-yn-oyr dy vel laghyn seaghnagh ayn.

Deuteronomy 28:48

Shen-y-fa, nee oo shirveish dty noidyn, ver y Chiarn dt’oï, ayns genney arran, as ushtey, rooisht, as ayns feme jeh dy chooilley nhee: as ver eh yn whing yiarn er dty wannal, derrey t’eh er dty choyrt mow.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.