Micah 2:2 - Yn Vible Casherick 1775 1819

² As t’ad coyrt saynt da magheryn, as goaill ad er niart; as da thieyn, as goaill daue hene ad: myr shen t’ad roostey dooinney as e hie, dy jarroo dooinney as e eiraght.

Micah 2:2 ပူးပေါင်းရင်းမြစ်များ

1 Reeaghyn 21:1

As haink eh gy-kione lurg ny cooishyn shoh, dy row ec Naboth yn Jezreelite, va cummal ayns Jezreel, garey-feeyney ayns Samaria, er-gerrey da plaase Ahab ree Samaria.

2 Reeaghyn 9:26

Son shickyrys honnick mee jea fuill Naboth, as fuill e vec, ta’n Chiarn dy ghra; as goym cooilleeney ort ayns y vagher shoh, va raa’n Chiarn. Nish er-y-fa shen, gow as ceau eh ayns y vagher cheddin, cordail rish raa’n Chiarn.

Lioar Yob 31:38

My ta my halloo geamagh m’oï, as my ta ny creaghyn echey gaccan;

Exodus 20:17

Cha der oo saynt da thie dty naboo, cha der oo saynt da ben dty naboo, ny da e harvaant, ny da e inney-veyl, ny da e ghow, ny da e assyl, ny da nhee erbee ta lesh dty naboo.

Isaiah 3:14

Hig y Chiarn dy vriwnys shanstyr e phobble, as ny princeyn oc: son ta shiu er ee seose yn garey-feeyney; ta spooilley ny boghtyn ayns ny thieyn eu.

Isaiah 5:8

Smerg dauesyn ta cur thie ry hie, as magher ry magher, derrey nagh bee boayl faagit, agh ad dy chummal ooilley cooidjagh orroo hene ayns mean ny cheerey!

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Ezekiel 18:12

T’er n’êginagh yn voght as yn ymmyrchagh, t’er roostey lesh laue lajer, nagh vel er jyndaa yn yioal, as t’er hroggal seose e hooillyn gys ny jallooyn, t’er n’yannoo ard-pheccah,

Ezekiel 22:12

Aynyd’s t’ad er ghoaill leagh son deayrtey fuill, t’ou er ghoaill use as bishaghey, as t’ou dy sondagh er ghoaill vondeish er-êgin dty naboonyn, as t’ou er my yarrood, ta’n Chiarn Jee dy ghra.

Ezekiel 22:13

Cur-my-ner, er-y-fa shen, ta mee er woalley my vassyn noi an-chiartys dty chosney, as noi yn uill t’er ny ve deayrtit aynyd.

Ezekiel 33:26

Ta shiu cur nyn marrant er nyn gliwe, ta shiu jannoo reddyn eajee, as ta dagh fer j’iu jannoo peccah rish ben e naboo; as jean shiuish goaill eiraght ’sy cheer.

Ezekiel 45:9

Myr shoh ta’n Chiarn Jee dy ghra, S’lioar shoh diuish, O phrinceyn Israel: cur-jee veue tranlaase as spooilley, as jean-jee briwnys as cairys, trog-jee nyn laue-lajerys veih my phobble, ta’n Chiarn Jee dy ghra.

Ezekiel 46:18

Myrgeddin, cha nhegin da’n prince goaill veg jeh eiraght e phobble er niart, dy eiyrt ad ass nyn gummallyn; agh ver eh eiraght da ny mec echey hene ass e chummal hene: nagh bee yn pobble aym’s er nyn skeayley, dagh dooinney veih e chummal.

Ezekiel 8:17

Eisht dooyrt eh rhym, Vel oo er vakin shoh, O vac y dooinney? nee red eddrym eh da thie Yudah, dy vel ad cur-rish lheid yn eajeeys, as t’ad dy yannoo ayns shoh? son t’ad er lhieeney yn thalloo lesh tranlaase, as t’ad er chur cooyl rhym, dy my vrasnaghey; as cur-my-ner ta’n broïd oc er chur feoh aynym.

Amos 2:7

Ta shêgin er stampey sheese king ny boghtyn gys joan y thallooin: agh cassey cooish yn ôney: as bee ec dooinney as e ayr dy yannoo rish yn un ven, gys oltooan my ennym’s casherick.

Amos 4:1

Eaisht-Jee rish yn ockle shoh, shiuish ollagh Vashan, t’ayns slieau Samaria, ta jannoo tranlaase er ny boghtyn, ta broo ny ymmyrchee, ta gra rish nyn mainshtyryn, Cur-jee lhieu, as lhig dooin giu.

Amos 8:4

Eaisht-jee rish shoh, O shiuish ta sluggey seose ny ymmyrchee, as dy feer cur naardey boghtyn y thallooin,

Micah 3:9

Eaisht-jee rish shoh, ta mee guee erriu, shiuish leeideilee thie Yacob, as princeyn thie Israel, ta dwoaiagh er briwnys, as cassey dy chooilley chairys.

Micah 6:12

Son ta ny deiney berchagh oc nyn ard-hranlaasee, as ta ny cummaltee cur-rish breagyn, as ta’n chengey oc molteyragh ayns nyn meeal.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 23:13

Agh smerg diuish scrudeyryn as Phariseeyn, chrauee-oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er-shaghryn veih’n chredjue, as er vroddey ad-hene trooid lesh mooarane torchaghyn.