Leviticus 9:3 - Yn Vible Casherick 1775 1819

³ As rish cloan Israel nee oo loayrt, gra, Gow-jee shiuish mannan-goayr son oural-peccah, as lheiy, as eayn jeh’n chied vleïn, fegooish lheamys, son oural-losht;

Leviticus 9:3 ပူးပေါင်းရင်းမြစ်များ

Genesis 37:31

As ghow ad cooat Yoseph, as varr ad mannan jeh ny goair, as seiy ad yn cooat ’syn uill.

Ezra 10:19

As hug ad nyn laueyn, dy jinnagh ad ersooyl nyn mraane, as myr v’ad oolee, heb ad rea jeh’n chioltane son nyn loght.

Ezra 6:17

As heb ad ec casherickey yn thie shoh dy Yee, keead dow, daa cheead rea, kiare cheead eayn; as son oural-peccah ayns lieh ooilley Israel, daa ghoayr jeig fyrryn, cordail rish earroo tribeyn Israel.

Exodus 12:5

Bee’n eayn fegooish lheamys, oasht fyrryn: nee shiu goaill eh veih ny kirree, ny veih ny goair.

Isaiah 53:10

Foast ve aigney yn Chiarn dy choyrt er surranse; t’eh er laadey eh lesh trimshey: tra nee oo yn annym echey ny oural son peccah, ver eh my-ner e luight, bee e laghyn beayn, as nee taitnys yn Chiarn bishaghey fo e laue.

Leviticus 10:16

As ren Moses briaght dy kiaralagh mychione goayr yn oural-peccah, as cur-my-ner, ve losht: as v’eh corree rish Eleazar as Ithamar, mec Aaron, va faagit bio, gra,

Leviticus 12:6

As tra ta laghyn e ghlenney cooilleenit, son mac, ny son inneen; ver ee lh’ee eayn jeh’n chied vleïn son oural-losht, as eean calmane, ny calmane-turtle son oural-peccah, gys dorrys y chabbane-agglish gys y taggyrt:

Leviticus 14:10

As er yn hoghtoo laa, nee eshyn goaill daa eayn fyrryn fegooish lheamys, as un eayn bwoirryn jeh’n chied vleïn gyn lheamys, as mysh daa chaart jeig dy flooyr meein son oural-arran, lesh ooil ny chione, as lieh phunt dy ooil.

Leviticus 16:15

Eisht nee eh marroo goayr yn oural-peccah, ta son y pobble, as ver eh lesh yn uill echey cheu-sthie jeh’n choodagh, as jannoo rish shen, myr ren eh rish fuill y dow, as shen y spreih er stoyl y vyghin, as roish stoyl y vyghin.

Leviticus 16:5

As nee eh goaill veih pobble cloan Israel, daa vannan jeh ny goair son oural-peccah, as un rea son oural-losht.

Leviticus 23:12

As nee shiuish chebbal er y laa, ta shiu craa yn vunney, eayn fyrryn gyn lheamys, jeh’n chied vleïn, son oural-losht gys y Chiarn.

Leviticus 4:23

Ny my hig y peccah t’eh er n’yannoo gys e hushtey; ver eh lesh e oural, mannan jeh ny goair, fyrrynagh gyn lheamys.

Leviticus 4:3

My nee’n ard-saggyrt ta ooilit jannoo peccah lurg peccaghyn y phobble: eisht lhig da cur lesh, er son y peccah shen t’eh er n’yannoo, dow aeg gyn lheamys gys y Chiarn, son oural-peccah.

Leviticus 9:2

As dooyrt eh rish Aaron, Gow uss lheiy aeg son oural-peccah, as rea son oural-losht, fegooish lheamys, as cheb ad roish y Chiarn.

Leviticus 9:4

Dow as rea myrgeddin son oural-shee, dy hebbal kiongoyrt y Chiarn: as oural-arran lesh ooil ny chione: son jiu nee’n Chiarn eh hene y hoilshaghey diu.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreït veih peccah, ve bio gys cairys; liorish ny lhottyn echey ta shiuish er nyn lheihys.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer-cairagh son ny mee-chairee, (dy voddagh eh shin y chur lesh gys Jee,) v’eh er ny choyrt gy-baase ayns yn eill, agh er ny vioghey liorish y Spyrryd:

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;