Leviticus 8:3 - Yn Vible Casherick 1775 1819

³ As jean uss yn cheshaght y haglym cooidjagh, gys dorrys y chabbane-agglish.

Leviticus 8:3 ပူးပေါင်းရင်းမြစ်များ

1 Recortyssyn 13:5

Myr shen haggil David ooilley Israel cooidjagh veih Shihor jeh Egypt, eer gys slystyn Hemath, dy chur lhieu arg Yee veih Kirjath-jearim.

1 Recortyssyn 15:3

As haggil David ooilley Israel cooidjagh gys Jerusalem, dy chur lhieu arg y Chiarn seose gys e ynnyd, v’eh er chiarail er e hon.

2 Recortyssyn 30:13

As va earroo mooar dy leih er nyn jaglym cooidjagh ec Jerusalem, dy reayll feailley’n chaisht ’syn nah vee.

2 Recortyssyn 30:2

Son va’n ree, as e phrinceyn, as ooilley’n pobble ayns Jerusalem er choyrt nyn goyrle dy cheilley, dy reayll yn chaisht ’sy nah vee.

2 Recortyssyn 30:25

As va ooilley pobble Yudah ayns ard-voggey, marish ny saggyrtyn as ny Leviteyn, as ooilley’n cheshaght haink ass Israel, as ny joarreeyn ass cheer Israel, mâroosyn va cummal ayns Judah.

2 Recortyssyn 5:2

Eisht haggil Solomon cooidjagh shanstyr Israel, as ooilley king ny tribeyn, ard-gheiney ayraghyn cloan Israel gys Jerusalem, dy chur lhieu seose arg conaant y Chiarn, ass ard-valley Ghavid, ta shen Zion.

2 Recortyssyn 5:6

Myrgeddin, ren ree Solomon as ooilley sheshaght Israel v’er nyn jaglym cooidjagh huggey kiongoyrt rish yn arg, dew as kirree y hebbal son oural, nagh voddagh ve coontit, v’ad whilleen ayns earroo.

Nehemiah 8:1

As va ooilley’n pobble er nyn jaglym cooidjagh, myr un dooinney gys y traid va rish y giat-ushtey, as loayr ad rish Ezra yn scrudeyr, dy chur lesh lioar leigh Voses, va’n Chiarn er n’oardaghey da Israel.

Psalmyn 22:25

Hood’s nee’m chebbal my voylley ayns sheshaght vooar ny nooghyn: my vreearraghyn neem’s y chooilleeney ayns yn enish ocsyn ta goaill aggle roishyn.

Leviticus 14:11

As y saggyrt ta jannoo glen jeh, nee eh soiaghey magh yn dooinney hene, as ny reddyn shoh fenish y Chiarn, ec dorrys y chabbane-agglish.

Leviticus 8:2

Gow Aaron as e vec mârish, as ny garmadyn, as yn ooil casherick, as dow son oural-peccah, as daa rea, as baskad dy arran gyn soorit;

Leviticus 8:4

As ren Moses myr va’n Chiarn er n’oardaghey; as va’n cheshaght er nyn jaglym cooidjagh, gys dorrys y chabbane-agglish.

Earrooyn 20:8

Gow’n lorg, as chaggil y pobble cooidjagh, uss as Aaron dty vraar, as loayr-jee rish y chreg kiongoyrt roo, as ver eh magh ushtey, as ver oo daue ushtey ass y chreg: myr shen ver oo ushtey daue hene, as da’n maase oc.

Earrooyn 21:16

As veih shen hie ad gys Beer: shen y chibbyr my-e-chione loayr y Chiarn rish Moses, Chaggil y pobble dy cheilley, as ver-yms ushtey daue.

Earrooyn 8:9

As ver oo lhiat ny Leviteyn kiongoyrt rish y chabbane-agglish; as nee oo chaglym cooidjagh slane sheshaght cloan Israel:

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.