Leviticus 7:9 - Yn Vible Casherick 1775 1819

⁹ As ooilley yn oural-arran, t’er ny aarlaghey ’syn oghe, as ooilley ny ta aarlit ’sy frynepan, as ayns y phan, bee eh lesh y taggyrt ta dy hebbal eh.

Leviticus 7:9 ပူးပေါင်းရင်းမြစ်များ

2 Reeaghyn 12:17

Eisht hie Hazael ree Syria seose, as ren eh caggey noi Gath, as ghow eh eh: as hyndaa Hazael e eddin dy gholl noi Jerusalem.

Ezekiel 44:29

Nee adsyn beaghey er yn oural-arran, as yn oural-peccah, as yn oural-loght; as dagh nhee t’er ny hebbal ayns Israel vees lhieusyn.

Leviticus 2:10

As bee shen ny ta er-mayrn jeh’n oural-arran, lesh Aaron as e vec: te’n red smoo casherick, jeh ourallyn y Chiarn jeant lesh aile.

Leviticus 5:13

As nee’n saggyrt jannoo lhiasaghey son e pheccah t’eh er n’yannoo, ayns veg jeu shoh, as bee eh er ny leih da: as bee’n chooid elley lesh y taggyrt, myr oural-arran.

Leviticus 7:10

As dagh oural-arran, ta ooil ny chione, ny chirrym, bee eh co-chorrym mastey ooilley mec Aaron.

Leviticus 7:8

As yn saggyrt ta chebbal oural-losht son dooinney erbee, bee crackan yn oural-losht, t’eh dy hebbal, lesh hene.

Earrooyn 18:9

Shoh vees lhiat’s jeh’n chooid smoo casherick, jeh cre-erbee vees er-mayrn lurg yn oural-losht: ooilley ny chebballyn oc, ooilley nyn ourallyn-arran, as ooilley nyn ourallyn-peccah, as ooilley nyn ourallyn son aggair, nee ad geeck dooys, bee ad dy slane er nyn gasherickey da dty vec.

1 Corinthianee 9:13

Nagh vel fys eu dy vel adsyn ta shirveish mysh nheeghyn casherick, baghey er yn oural? as dy vel adsyn ta tendeil ec yn altar, goaill ayrn jeh ny t’er yn altar?

1 Corinthianee 9:7

Quoi ta goll dy chaggey traa erbee er e chost hene? quoi ta soiaghey garey-feeyney, as nagh vel gee jeh’n vess echey? ny quoi ta bochillagh shioltane, as nagh vel giu jeh bainney’n chioltane?

Galatianee 6:6

Lhig dasyn t’er ny ynsaghey ayns y goo, shirveish ersyn ta gynsaghey jeh dy chooilley nhee mie [t’echey].