Leviticus 7:7 - Yn Vible Casherick 1775 1819

⁷ Myr ta’n oural-peccah, shen myr ta’n oural-loght; yn un leigh ta daue ny-neesht: te cair y taggyrt ta jannoo lhiasaghey lesh.

Leviticus 7:7 ပူးပေါင်းရင်းမြစ်များ

2 Reeaghyn 12:16

Cha row ny ourallyn son loght as peccah ’sy choontey ayns thie yn Chiarn: va shen lesh ny saggyrtyn.

2 Reeaghyn 12:17

Eisht hie Hazael ree Syria seose, as ren eh caggey noi Gath, as ghow eh eh: as hyndaa Hazael e eddin dy gholl noi Jerusalem.

Leviticus 14:13

As nee eh yn eayn y varroo raad t’eh marroo yn oural-peccah, as yn oural-losht, ’syn ynnyd casherick: son myr ta’n oural-losht cair y taggyrt, myr shen ta’n oural-loght: te slane casherick.

Leviticus 2:10

As bee shen ny ta er-mayrn jeh’n oural-arran, lesh Aaron as e vec: te’n red smoo casherick, jeh ourallyn y Chiarn jeant lesh aile.

Leviticus 2:3

As bee yn chooid elley jeh’n oural-arran lesh Aaron as e vec; te’n red smoo casherick jeh ourallyn y Chiarn jeant lesh aile.

Leviticus 6:17

Cha bee shen er ny aarlaghey lesh soorit: ta mish er choyrt shen daue son nyn ayrn jeh ny ourallyn aym’s jeant lesh aile; te smoo casherick, myr ta’n oural-peccah, as yn oural-loght.

Leviticus 7:8

As yn saggyrt ta chebbal oural-losht son dooinney erbee, bee crackan yn oural-losht, t’eh dy hebbal, lesh hene.

Earrooyn 5:8

Agh mannagh bee echey dooinney-mooinjerey erbee, dasyn dy yannoo cooilleeney son yn aggair, lhig da’n cooilleeney ’ve jeant da’n Chiarn, eer da’n taggyrt: cheu-mooie jeh rea son lhiasaghey, liorish vees lhiasaghey jeant er e hon.

1 Corinthianee 10:18

Cur-jee my-ner Israel cordail rish yn eill: nagh vel adsyn ta gee jeh ny ourallyn, goaill ayrn jeh ny t’er ny hebbal er yn altar?

1 Corinthianee 9:13

Nagh vel fys eu dy vel adsyn ta shirveish mysh nheeghyn casherick, baghey er yn oural? as dy vel adsyn ta tendeil ec yn altar, goaill ayrn jeh ny t’er yn altar?