Leviticus 7:2 - Yn Vible Casherick 1775 1819

² ’Syn ynnyd raad t’ad marroo yn oural-losht, nee ad marroo yn oural-loght: as yn uill nee eh spreih mygeayrt er yn altar.

Leviticus 7:2 ပူးပေါင်းရင်းမြစ်များ

Isaiah 52:15

Myr shen nee eh skeayley yindys harrish ymmodee ashoonyn; bee beïll ny reeaghyn nyn dhost kiongoyrt rish: son nee ad fakin shen nagh row inshit daue, as ver ad my-ner shen nagh row ad er chlashtyn.

Ezekiel 36:25

Eisht spreih-yms shiu lesh ushtey glen, as bee shiu er nyn ghlenney veih ooilley nyn mroïd, as veih ooilley ny jallooyn eu neem’s shiuish y ghlenney.

Ezekiel 40:39

As ayns porch ny giattey va daa voayrd er dagh cheu, dy aarlagh orroo yn oural-losht, as yn oural-peccah, as yn oural-loght.

Leviticus 1:11

As nee eshyn y varroo eh rish lhiattee twoaie yn altar kiongoyrt rish y Chiarn; as nee ny saggyrtyn mec Aaron spreih yn uill ooilley mygeayrt er yn altar.

Leviticus 1:3

My vees yn oural echey son oural-losht jeh’n chelloo, lhig da chebbal fyrrynagh fegooish lheamys; nee eh chebbal eh jeh’n aigney feoilt echey hene ec dorrys y chabbane-agglish, roish y Chiarn.

Leviticus 1:5

As nee eh yn dow y varroo kiongoyrt rish y Chiarn, as ver ny saggyrtyn mec Aaron lhieu yn uill, as nee ad spreih yn uill mygeayrt er yn altar, ta ec dorrys y chabbane-agglish.

Leviticus 14:13

As nee eh yn eayn y varroo raad t’eh marroo yn oural-peccah, as yn oural-losht, ’syn ynnyd casherick: son myr ta’n oural-losht cair y taggyrt, myr shen ta’n oural-loght: te slane casherick.

Leviticus 3:2

As ver eh e laue er kione yn oural, as y varroo eh ec dorrys y chabbane-agglish, as nee mec Aaron ny saggyrtyn spreih yn uill er yn altar ooilley mygeayrt.

Leviticus 3:8

As ver eh e laue er kione yn oural echey, as y varroo eh kiongoyrt rish y chabbane-agglish: as nee mec Aaron yn uill echey y spreih mygeayrt er yn altar.

Leviticus 4:24

As ver eh e laue er kione y ghoayr, as y varroo eh, raad t’ad marroo yn oural-losht, fenish y Chiarn: te oural-peccah.

Leviticus 4:29

As ver eh e laue er kione yn oural-peccah, as y varroo eh ayns boayl yn oural-losht.

Leviticus 4:33

As ver eh e laue er kione yn oural-peccah, as shen y varroo son oural-peccah, raad varr ad yn oural-losht.

Leviticus 5:16

As nee eh lhiasaghey son yn aggair t’eh er n’yannoo ayns y red casherick, as yn wheiggoo ayrn smoo y choyrt huggey, as ver eh da’n saggyrt eh; as nee yn saggyrt lhiasaghey ’yannoo er e hon, lesh y rea son oural-loght, as bee eh er ny leih da.

Leviticus 5:7

As mannagh vel fort echey dy chur lesh eayn, eisht ver eh lesh son e loght t’eh er n’yannoo daa chalmane-turtle, ny daa eean calmane gys y Chiarn, unnane son oural-peccah, as unnane, son oural-losht.

Leviticus 5:9

As nee eh spreih jeh fuill yn oural-peccah rish lhiattee yn altar; as bee’n chooid elley jeh’n uill er ny hilley ass ec grunt yn altar: te ny oural-peccah.

Leviticus 6:25

Abbyr rish Aaron as rish e vec, gra, Shoh leigh yn oural-peccah: ’Syn ynnyd raad ta’n oural-losht er ny varroo, vees yn oural-peccah er ny varroo fenish y Chiarn: te ard casherick.

Leviticus 6:7

As nee’n saggyrt lhiasaghey ’yannoo er e hon, fenish y Chiarn; as bee eh er ny leih da, son cre-erbee yn aggair t’eh er n’yannoo.

Earrooyn 6:12

As nee eh casherickey gys y Chiarn e laghyn-scarree, as ver eh lesh eayn jeh’n vleïn shen son oural-peccah: agh bee ny laghyn roish shen dy choayl da, son dy row e vreearrey er ny vrishey.

Hebrewnee 11:28

Liorish credjue dreill eh yn chaisht, as spreih yn uill, nagh jinnagh eshyn ren stroie yn chied-er-ny-ruggey lhie e laue orroo.

Hebrewnee 12:24

As gys Yeesey ta eddyr Jee as dooinney fo’n chonaant noa, as gys yn uill v’er ny gheayrtey, ta loayrt reddyn share na fuill Abel.

1 Peddyr 1:2

Reiht cordail rish tushtey ro-laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.