Leviticus 6:3 - Yn Vible Casherick 1775 1819

³ Ny ta er gheddyn cooid chailjey, as lesh breg dy cheiltyn eh, as goaill loo oaiagh; jannoo peccah ayns veg jeh ooilley ny reddyn shoh:

Leviticus 6:3 ပူးပေါင်းရင်းမြစ်များ

Exodus 23:4

My hagh’rys oo er dow, ny assyl dty noid goll er-shaghryn: ver oo, son shickyrys, lhiat eh huggey reesht.

Exodus 28:42

As nee oo breechyn aanrit daue dy choodaghey nyn nearey, veih ny meeghyn gys ny glioonyn nee ad roshtyn.

Raaghyn Creeney 24:28

Ny bee feanish noi dty naboo jeh dty yoïn; as ny jean foalsaght lesh dty veillyn.

Raaghyn Creeney 30:9

Er-aggle dy bee’m lane as dy jarrood-ym oo, gra, Quoi ta’n Chiarn? ny, er-aggle dy bee’m boght, as geid, as goaill ennym my Yee ayns fardail.

Jeremiah 5:2

As ga t’ad breearrey, gra, Liorish y Chiarn bio; son shickyrys t’ad goaill loo oaiagh.

Jeremiah 7:9

Jean shiu geid, jannoo dunverys, as brishey poosey, as loo dy oaiagh, as lostey incense gys Baal, as geiyrt er jeeghyn elley nagh vel enney eu orroo;

Ezekiel 44:19

As tra t’ad goll magh ayns y chooyrt er cheu-mooie, eer gys y chooyrt sodjey magh gys y pobble, ver ad jeu ny garmadyn ayndoo v’ad shirveish, as tashtey ad ayns ny shamyryn casherick, as ver ad moo garmadyn elley, nagh jean ad yn pobble y chasherickey lesh nyn gharmadyn.

Leviticus 1:16

As gowee eh ass ny scrobbaghyn echey marish y chlooie, as tilgey ad rish yn altar er y cheu har, liorish ynnyd y leoie.

Leviticus 16:4

Ver eh mysh yn coamrey aanrit casherick, as bee e vreechyn aanrit er, as bee’n cryss aanrit mysh e vean, as lesh y mitre aanrit vees eh soit magh: t’ad shoh garmadyn casherick; shen-y-fa shegin da e chorp y niee ayns ushtey, as myr shoh vees eh coamrit.

Leviticus 19:12

As cha jean shiu loo liorish m’ennym’s dy foalsey; chamoo ghoys oo ennym dty Yee ayns fardail: Mish y Chiarn.

Zechariah 5:4

Ver-ym lhiam magh eh, ta Chiarn ny flaunyssee dy ghra, as hed eh stiagh ayns thie yn vaarliagh, as ayns y thie echeysyn ta loo dy foalsey liorish my ennym’s: as nee eh tannaghtyn ayns mean e hie, as ver eh naardey eh, marish y fuygh echey, as ny claghyn echey.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.