Leviticus 6:10 - Yn Vible Casherick 1775 1819

¹⁰ As ver y saggyrt e gharmad aanrit mysh, as e vreechyn aanrit y choyrt er, as gowee eh ersooyl yn leoie ta’n aile er n’yannoo, lesh yn oural-losht er yn altar, as shen y choyrt rish lhiattee yn altar.

Leviticus 6:10 ပူးပေါင်းရင်းမြစ်များ

Leviticus 16:4

Ver eh mysh yn coamrey aanrit casherick, as bee e vreechyn aanrit er, as bee’n cryss aanrit mysh e vean, as lesh y mitre aanrit vees eh soit magh: t’ad shoh garmadyn casherick; shen-y-fa shegin da e chorp y niee ayns ushtey, as myr shoh vees eh coamrit.

Ashlish 19:14

As deiyr er sheshaghtyn-caggee niau, er cabbil baney, coamrit lesh aanrit keyl, gial as glen.

Ashlish 19:8

As jeeish ve lowit dy ve coamrit lesh aanrit keyl, glen as gial: son ta’n aanrit keyl ynrickys ny nooghyn.

Ashlish 7:13

As dreggyr fer jeh ny shanstyryn, gra rhym, Quoi ad shoh ta coamrit ayns coamraghyn gial? as cre voish haink ad?

Psalmyn 37:20

Er son ny mee-chrauee, nee ad cherraghtyn, as nee noidyn y Chiarn lheïe ersooyl myr meeaylys eayin: dy feer myr y jaagh bee ad eebrit ersooyl.

Psalmyn 20:3

Dy gooinee eh er ooilley dty hebballyn: as soiaghey jeh dty ourallyn-losht.

Earrooyn 16:35

As haink aile magh veih’n Chiarn, as losht eh seose yn daa cheead as jeih deiney as da-eed va chebbal incense.

Earrooyn 16:21

Jean-jee shiu hene y scarrey veih mastey’n cheshaght shoh, dy voddym ad y stroie ayns tullogh.

Leviticus 1:13

As nee eh yn mynnagh as ny cassyn y niee lesh ushtey: as ver y saggyrt lesh ad ooilley, dy lostey ad er yn altar: she oural-losht eh, chebbal jeant lesh aile, gys y Chiarn.

Leviticus 1:9

Agh y mynnagh as e chassyn nee eh niee lesh ushtey: as loshtee yn saggyrt ooilley er yn altar, dy ve oural-losht, chebbal jeant lesh aile, dy hoar millish da’n Chiarn.

Leviticus 4:12

Eer yn slane dow ver eh lesh magh cheu-mooie jeh’n champ, gys ynnyd glen, raad ta’n leoie deayrtit magh, as y lostey eh er y fuygh lesh aile: raad ta’n leoie deayrtit magh, vees eh er ny lostey.

Leviticus 6:11

As ver eh e gharmadyn jeh, as e gharmadyn elley y choyrt mysh, as ver eh lesh magh y leoie cheu-mooie jeh’n champ, gys boayl glen.

Leviticus 8:2

Gow Aaron as e vec mârish, as ny garmadyn, as yn ooil casherick, as dow son oural-peccah, as daa rea, as baskad dy arran gyn soorit;

Ezekiel 44:19

As tra t’ad goll magh ayns y chooyrt er cheu-mooie, eer gys y chooyrt sodjey magh gys y pobble, ver ad jeu ny garmadyn ayndoo v’ad shirveish, as tashtey ad ayns ny shamyryn casherick, as ver ad moo garmadyn elley, nagh jean ad yn pobble y chasherickey lesh nyn gharmadyn.

Leviticus 2:11

Cha bee veg jeh’n oural-arran, ver shiu lhieu gys y Chiarn, jeant lesh soorit: son cha jean shiu lostey veg y soorit, ny veg y vill, ayns oural erbee gys y Chiarn jeant lesh aile.

Leviticus 6:18

Nee ooilley ny fyrrynee mastey mec Aaron gee jeh: bee shoh slattys son dy bragh ayns nyn sheelogheyn mychione ourallyn y Chiarn jeant lesh aile: Bee dagh unnane vennys roo casherick.

Leviticus 6:22

As yn saggyrt jeh ny mec echeysyn, t’er ny ooilaghey ’syn ynnyd echey, nee shen y hebbal: Te slattys kinjagh gys y Chiarn, bee eh dy slane er ny lostey.

Leviticus 21:22

Nee eh gee arran e Yee, chammah jeh shen smoo casherick, as shen ta sloo casherick.