Leviticus 5:4 - Yn Vible Casherick 1775 1819

⁴ Ny my ta persoon breearrey, fockley magh ass e veillyn dy yannoo olk, ny dy yannoo mie; cre-erbee shen nee dooinney fockley magh lesh breearrey, as my t’eh er yarrood eh, tra yiow eh fys er, eisht bee eh foiljagh ayns unnane jeu shoh.

Leviticus 5:4 ပူးပေါင်းရင်းမြစ်များ

2 Samuel 21:7

Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

2 Reeaghyn 6:31

Eisht dooyrt eh, Myr shen as ny smoo dy jean Jee rhym’s, my vees kione Elisha mac Shaphat faagit shassoo er y laa jiu.

Psalmyn 106:33

Er-yn-oyr dy ren ad yn spyrryd echey y vrasnaghey: ayns wheesh as dy loayr eh dy siyragh lesh e veillyn.

Leviticus 5:13

As nee’n saggyrt jannoo lhiasaghey son e pheccah t’eh er n’yannoo, ayns veg jeu shoh, as bee eh er ny leih da: as bee’n chooid elley lesh y taggyrt, myr oural-arran.

Leviticus 5:3

My t’eh bentyn rish neu-ghlennid dooinney; cre-erbee’n neu-ghlennid eh, ta jannoo dooinney neu-ghlen, as te gyn-yss da: tra yiow eh fys er, eisht bee eh foiljagh.

Earrooyn 30:6

As my ta ben-phoost jannoo breearrey, ny gialdynys erbee, dy choyrt ee hene fo kiangley;

Earrooyn 30:8

Agh my ta e sheshey mee-lowal j’ee, er y laa cheayll eh jeh; eisht nee eh jannoo yn breearrey eck, as shen t’ee er loayrt lesh e meillyn, dy chiangley yn annym eck, dy ve gyn bree; as nee’n Chiarn leih jee.

Noo Mian 14:7

Er shen ghiall eh lesh breearrey, dy choyrt jee cre-erbee hirragh ee.

Noo Mian 14:9

As by-hrimshey lesh y ree: ny-yeih er coontey yn vreearrey, as y vooinjer v’ec gien mârish, doardee eh [yn kione] dy v’er ny livrey huic.

Noo Mark 6:23

As loo eh jee, Cre-erbee hirrys oo orrym, ver-ym dhyt eh, gys y derrey lieh jeh my reeriaght.

Jannoo 23:12

As tra va’n laa rish, haggil shiartanse jeh ny Hewnyn cooidjagh, as chiangle ad ad-hene fo mollaght, gra, nagh n’ee-agh ad as nagh n’iu-agh ad derrey veagh ad er varroo Paul.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Joshua 9:15

As ren Joshua shee roo, as ren eh conaant roo, as hug eh nyn mioys daue; as ren princeyn y pobble breearrey dy reaylley’n chonaant.

Briwnyn 11:31

Shen myr vees eh, cre-erbee hoshiaght hig magh my whail ass dorryssyn my hie’s, tra hig-ym reesht ayns shee veih cloan Ammon, dy bee shen dy shickyr er ny chasherickey gys y Chiarn, ny er ny hebbal son oural-losht.

Briwnyn 21:18

Agh cha jig lhien dy choyrt daue mraane jeh ny inneenyn ainyn: son va cloan Israel er chiangley ad-hene fo mollaght, gra, Cursit vees eshyn ver ben da Benjamin.

Briwnyn 21:7

Cre nee mayd son mraane dauesyn ta er-mayrn, fakin dy vel shin er vreearrey liorish y Chiarn, nagh der mayd ny inneenyn ain daue son mraane?

Briwnyn 9:19

My ta shiuish eisht er ghellal dy ynrick as dy cairal rish Jerubbaal as rish e hie yn laa jiu, eisht gow-jee boggey jeh Abimelech, as lhig dasyn myrgeddin goaill boggey jiuish;

1 Samuel 1:11

As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.

1 Samuel 25:22

Myr shen as na smessey neesht dy jean Jee rish noidyn Ghavid, my aag-yms dooinney bio mygeayrt dty hie derrey soilshey’n voghrey.)