Leviticus 4:4 - Yn Vible Casherick 1775 1819

⁴ As ver eh lesh y dow gys dorrys y chabbane-agglish, fenish y Chiarn: as ver eh e laue er kione y dow, as nee eh marroo yn dow fenish y Chiarn.

Leviticus 4:4 ပူးပေါင်းရင်းမြစ်များ

2 Recortyssyn 29:23

As hug ad lhieu magh ny goair fyrryn son yn oural-peccah, fenish y ree as y pobble, as hug ad nyn laueyn orroo:

Isaiah 53:6

Ta shinyn ooilley, myr kirree, er n’gholl er-shaghryn; ta shin er jyndaa dagh unnane ain gys e raad hene; as ta’n Chiarn er lhie ersyn yn loght ain ooilley.

Daniel 9:26

As lurg three-feed shiaghtinyn as jees, bee Messiah er ny yiarey jeh, agh cha nee er y choontey echey hene: as nee pobble y phrince shen ta ry-heet stroie yn ard-valley, as y chiamble casherick, as bee yn jerrey echey lesh thooilley, as gys jerrey yn chaggey ta traartyssyn kiarit.

Leviticus 16:21

As ver Aaron e ghaa laue er kione y ghoayr bio, as harrishyn goaill-rish ooilley peccaghyn chloan Israel, as ooilley nyn loghtyn ayns ooilley nyn voiljyn, coyrt ad er kione y ghoayr; as ver eh ersooyl eh liorish laue dooinney treishteilagh, gys yn aasagh.

Leviticus 4:15

As ver shanstyr yn pobble nyn laueyn er kione y dow fenish y Chiarn, as bee’n dow er ny varroo fenish y Chiarn.

Leviticus 4:29

As ver eh e laue er kione yn oural-peccah, as y varroo eh ayns boayl yn oural-losht.

Leviticus 8:14

As hug eh lesh yn dow son yn oural-peccah: as chur Aaron as e vec nyn laueyn er kione y dow son oural-peccah.

Earrooyn 8:12

As ver ny Leviteyn nyn laueyn er king ny dew: as nee oo chebbal y derrey yeh son oural-peccah, as y jeh elley son oural-losht gys y Chiarn, dy yannoo lhiasaghey son ny Leviteyn.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer-cairagh son ny mee-chairee, (dy voddagh eh shin y chur lesh gys Jee,) v’eh er ny choyrt gy-baase ayns yn eill, agh er ny vioghey liorish y Spyrryd: