Leviticus 4:3 - Yn Vible Casherick 1775 1819

³ My nee’n ard-saggyrt ta ooilit jannoo peccah lurg peccaghyn y phobble: eisht lhig da cur lesh, er son y peccah shen t’eh er n’yannoo, dow aeg gyn lheamys gys y Chiarn, son oural-peccah.

Leviticus 4:3 ပူးပေါင်းရင်းမြစ်များ

2 Recortyssyn 29:21

As hug ad lhieu shiaght dew, as shiaght reaghyn, as shiaght eayin, as shiaght goair fyrryn, dy ve oural-peccah son y reeriaght, as son yn ynnyd casherick, as son Judah; as doardee eh ny saggyrtyn mec Aaron dy hebbal ad er altar y Chiarn.

Ezra 8:35

Myrgeddin, yn chloan ocsyn v’er nyn goyrt lhieu ersooyl, v’er jeet ass y chappeeys, heb ad ourallyn-losht gys Jee Israel, daa ghow jeig son ooilley Israel; kiare-feed as shey reaghyn jeig, three-feed as shiaght eayin, daa ghoayr jeig fyrryn son oural-peccah: va ooilley shoh son oural-losht gys y Chiarn.

Exodus 29:14

Agh feill y dow, as e heh, as e eoylley, nee oo lostey lesh aile cheu-mooie jeh’n champ; te ny oural-peccah.

Exodus 29:21

As nee oo goaill jeh’n uill t’er yn altar, as jeh’n ooil casherick, as spreih eh er Aaron, as er e gharmadyn, as er e vec, as er garmadyn e vec mârish; as bee eshyn er ny chasherickey, as e gharmadyn, as e vec, as garmadyn e vec mârish.

Exodus 29:7

As nee oo goaill yn ooil casherick, as y gheayrtey eh er e chione, as ooilaghey eh.

Exodus 30:10

As nee Aaron lhiasaghey ’yannoo er ny eairkyn echey keayrt ’sy vleïn lesh fuill oural-peccah yn lhiasaghey: keayrt ’sy vleïn nee eh lhiasaghey ’yannoo er, trooid magh ny sheelogheyn eu: te dy slane casherick gys y Chiarn.

Ezekiel 40:39

As ayns porch ny giattey va daa voayrd er dagh cheu, dy aarlagh orroo yn oural-losht, as yn oural-peccah, as yn oural-loght.

Ezekiel 43:19

As da ny saggyrtyn, ny Leviteyn ta jeh sluight Zadok, adsyn ta cheet er-gerrey, dy yannoo shirveish dou, ta’n Chiarn Jee dy ghra, ver oo dow aeg son oural-peccah.

Ezekiel 44:27

As er y laa t’eh goll stiagh ’syn ynnyd casherick, eer gys y chooyrt sthie, dy hirveish ’syn ynnyd casherick, nee eh chebbal e oural-peccah, ta’n Chiarn Jee dy ghra.

Leviticus 1:10

As my vees y chebbal echey jeh ny shioltaneyn, ta shen, jeh ny kirree, ny jeh ny goair, son oural-losht; ver eh lesh eh fyrrynagh fegooish lheamys.

Leviticus 1:3

My vees yn oural echey son oural-losht jeh’n chelloo, lhig da chebbal fyrrynagh fegooish lheamys; nee eh chebbal eh jeh’n aigney feoilt echey hene ec dorrys y chabbane-agglish, roish y Chiarn.

Leviticus 16:11

As ver Aaron lesh dow yn oural-peccah, ta ny chour hene, as jannoo lhiasaghey er e hon hene, as e hie, as y dow son oural-peccah y varroo, ta er e hon hene.

Leviticus 16:3

Shoh myr hig Aaron stiagh ’syn ynnyd casherick: lesh dow aeg son oural-peccah, as rea son oural-losht.

Leviticus 16:5

As nee eh goaill veih pobble cloan Israel, daa vannan jeh ny goair son oural-peccah, as un rea son oural-losht.

Leviticus 16:6

As nee Aaron chebbal dow yn oural-peccah, ta er e hon hene, as jannoo lhiasaghey er e hon hene, as son e hie.

Leviticus 4:14

Tra ta’n peccah t’ad er n’yannoo n’oï, er ny hoilshaghey, eisht nee’n slane sheshaght chebbal dow son y peccah, as ver ad lhieu eh kiongoyrt rish y chabbane-agglish.

Leviticus 4:23

Ny my hig y peccah t’eh er n’yannoo gys e hushtey; ver eh lesh e oural, mannan jeh ny goair, fyrrynagh gyn lheamys.

Leviticus 4:28

Ny my hig e pheccah t’eh er n’yannoo gys e hushtey, eisht ver eh lesh yn oural echey, mannan jeh ny goair, bwoirrinagh fegooish lheamys, son e pheccah t’eh er n’yannoo.

Leviticus 4:5

As nee’n saggyrt t’er ny ooilaghey goaill jeh fuill y dow, as ver eh lesh eh gys y chabbane-agglish.

Leviticus 5:6

As ver eh lesh yn oural-loght echey gys y Chiarn, son e pheccah t’eh er n’yannoo, bwoirrinagh veih’n chioltane, eayn ny mannan jeh ny goair son oural-peccah; as nee’n saggyrt lhiasaghey ’yannoo son e pheccah.

Leviticus 6:18

Nee ooilley ny fyrrynee mastey mec Aaron gee jeh: bee shoh slattys son dy bragh ayns nyn sheelogheyn mychione ourallyn y Chiarn jeant lesh aile: Bee dagh unnane vennys roo casherick.

Leviticus 8:12

As gheayrt eh jeh’n ooil casherick er kione Aaron, as ren eh eshyn y ooilaghey, dy chasherickey eh.

Leviticus 9:2

As dooyrt eh rish Aaron, Gow uss lheiy aeg son oural-peccah, as rea son oural-losht, fegooish lheamys, as cheb ad roish y Chiarn.

Leviticus 9:3

As rish cloan Israel nee oo loayrt, gra, Gow-jee shiuish mannan-goayr son oural-peccah, as lheiy, as eayn jeh’n chied vleïn, fegooish lheamys, son oural-losht;

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Earrooyn 8:8

Eisht lhig daue goaill dow aeg marish e oural-arran, ta shen, flooyr lesh ooil ny-chione; as dow aeg elley nee uss goaill son oural-peccah.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Hebrewnee 5:3

As er-yn-oyr shoh lhisagh eh myr son y pobble, myrgeddin er e hon hene, oural y hebbal son peccaghyn.

Hebrewnee 9:12

Chamoo liorish fuill goair as lheiyee, agh liorish yn uill echey hene, hie eh stiagh un cheayrt son ooilley ayns yn ynnyd casherick, lurg da v’er chosney feaysley braa er nyn son.