Leviticus 4:2 - Yn Vible Casherick 1775 1819

² Loayr rish cloan Israel, gra, My nee persoon erbee peccah trooid mee-hushtey noi veg jeh annaghyn y Chiarn (ayns reddyn nagh lhisagh ve jeant) as dy jean eh noi veg jeu:

Leviticus 4:2 ပူးပေါင်းရင်းမြစ်များ

Genesis 20:9

Eisht hug Abimelech fys er Abraham, as dooyrt eh rish, Cre shoh t’ou er n’yannoo rooin? as cre’n oill ta mee er n’yannoo, dy vel oo er choyrt lhiat orrym’s, as er my reeriaght, peccah trome? s’olk yn obbyr t’ou er n’yannoo.

Psalmyn 19:12

Quoi oddys ginsh earroo e loghtyn? O glen mee veih my pheccaghyn follit.

Psalmyn 19:13

Freill dty harvaant myrgeddin veih peccaghyn dy ghaanys, nagh vow ad barriaght harrym: myr shen bee’m seyr, as gyn loght veih’n peccah trome.

Ecclesiastes 5:6

Ny lhig da dty veeal ve oyr peccah da dty chorp; chamoo abbyr roish chaghter Yee, She marranys ve: cre’n-fa yinnagh oo Jee y vrasnaghey lesh dty ghoan, dy stroie obbyr dty laueyn?

Leviticus 22:14

As my ta dooinney gee jeh ny reddyn casherick trooid mee-hushtey, eisht ver eh yn wheiggoo ayrn jeh shen huggey, as shen y choyrt da’n taggyrt, marish y red casherick.

Leviticus 4:1

As loayr y Chiarn rish Moses, gra,

Leviticus 4:13

As my nee slane sheshaght Israel jannoo peccah trooid mee-hushtey, as y red er ny cheiltyn veih sooillyn y phobble, as t’ad er n’yannoo red ennagh noi veg jeh annaghyn y Chiarn, mychione reddyn nagh lhisagh ve jeant, as ad foiljagh;

Leviticus 4:22

Tra ta fer-reill er n’yannoo peccah, trooid mee-hushtey, noi veg jeh annaghyn y Chiarn e Yee, ayns reddyn nagh lhisagh ve jeant, as eh ve oolee;

Leviticus 4:27

As my ta fer erbee jeh’n theay er duittym ayns peccah trooid marranys, liorish jannoo red erbee noi veg jeh annaghyn y Chiarn, ayns reddyn nagh lhisagh ve jeant; as eh ve oolee;

Earrooyn 35:11

Eisht nee shiu soiaghey magh ard-valjyn diu, dy ve ard-valjyn sauchey er nyn son; dy vod eshyn, ta marroo persoon erbee trooid taghyrt, roie er-chea gys shen.

Deuteronomy 19:4

As shoh cooish y varrooder, nee roie er-chea huc, dy hauail e vioys: Quoi-erbee ta marroo e naboo doaltattym, er nagh row dwoaie echey roïe:

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er-yn-oyr dy ren mee eh dy neu-hushtagh, ayns mee-chredjue:

Hebrewnee 5:2

Oddys chymmey y hoilshaghey er ny mee-hushtee, as orroosyn t’er n’gholl er-shaghryn; son dy vel eh-hene injillit gys annooinid:

Hebrewnee 9:7

Agh stiagh ayns yn nah ayrn hie yn ard-saggyrt ny-lomarcan keayrt ’sy vleïn, cha nee fegooish fuill, ren eh chebbal er e hon hene, as son shaghrynys y phobble.

Jamys 3:10

Ass yn un veeal ta cheet bannaght as mollaght. My vraaraghyn, cha lhisagh ny reddyn shoh ve myr shen.

1 Samuel 14:27

Agh cha geayll Jonathan dy row e ayr er choyrt y pobble fo’n sarey, shen-y-fa heeyn eh magh baare y lorg v’echey ayns e laue, as hum eh eh ayns kere-volley, as hug eh e laue gys e veeal; as va e hooillyn er nyn niartaghey.