Leviticus 3:9 - Yn Vible Casherick 1775 1819

⁹ As nee eh chebbal jeh toyrtys casherick yn oural-shee, oural jeant lesh aile gys y Chiarn; yn eeh echey, as yn slane curpin, shen nee eh ’ghoaill jeh rish y chraue drommey: as yn eeh ta coodaghey yn mynnagh, as ooilley’n muinney.

Leviticus 3:9 ပူးပေါင်းရင်းမြစ်များ

2 Samuel 6:17

As hug ad lhieu arg y Chiarn stiagh, as hoie ad eh ayns e ynnyd, ayns mean y chabbane-agglish va David er hroggal er y hon: as heb David ourallyn-losht as ourallyn-shee fenish y Chiarn.

1 Reeaghyn 3:15

As ghooisht Solomon; as cur-my-ner, she ashlish v’ayn. As haink eh gys Jerusalem, as hass eh kiongoyrt rish arg conaant y Chiarn, as heb eh ourallyn-losht, as heb eh ourallyn-shee, as ren eh cuirraghyn da ooilley ny fir-oik echey.

1 Reeaghyn 8:63

As heb Solomon ourallyn-shee, heb eh da’n Chiarn daa housane as feed dy ghew, as keead thousane as feed dy chirree. Myr shen ren y ree as ooilley cloan Israel thie’n Chiarn y chasherickey.

1 Reeaghyn 8:64

Yn laa cheddin ren y ree casherickey mean y chooyrt va kiongoyrt rish thie’n Chiarn: son heb eh ayns shen ourallyn-losht, as chebballyn-arran, as eeh ny ourallyn-shee; er-yn-oyr dy row’n altar prashey va kiongoyrt rish y Chiarn ro choon dy ghoaill ny ourallyn-losht, as ny ourallyn-arran, as eeh ny ourallyn-shee.

1 Recortyssyn 16:1

Myr shen hug ad lhieu arg Yee, as hoie ad eh ayns mean y chabbane va David er hroggal er e hon: as heb ad ourallyn-losht, as ourallyn-shee kiongoyrt rish Jee.

Exodus 29:22

Nee oo goaill myrgeddin jeh’n rea yn eeh, as bun yn arbyl, as yn eeh ta coodaghey’n mynnagh, as y skairt ta erskyn yn aane, as y daa aarey, as yn eeh t’orroo, as y clingan yesh, son dy nee rea dy chasherickys eh:

Raaghyn Creeney 23:26

My vac, cur dooys dty chree, as lhig da dty hooillyn cur tastey da my raaidyn.

Isaiah 53:10

Foast ve aigney yn Chiarn dy choyrt er surranse; t’eh er laadey eh lesh trimshey: tra nee oo yn annym echey ny oural son peccah, ver eh my-ner e luight, bee e laghyn beayn, as nee taitnys yn Chiarn bishaghey fo e laue.

Leviticus 17:5

Er coontey dy vod cloan Israel cur lhieu nyn ourallyn, t’ad dy hebbal ayns y vagher foshlit, eer dy der ad lhieu ad gys y Chiarn, gys dorrys y chabbane-agglish gys y taggyrt, as y hebbal ad son ourallyn-shee gys y Chiarn.

Leviticus 7:3

As jeh nee eh chebbal ooilley yn eeh, yn curpin, as yn eeh ta coodaghey yn mynnagh.

Leviticus 8:25

As ghow eh yn eeh as y curpin, as ooilley yn eeh v’er y vynnagh, as y skairt erskyn yn aane, as yn daa aarey as yn eeh oc, as y clingan yesh.

Leviticus 9:19

As eeh yn dow, as y rea, ny curpin, as shen ta coodaghey yn mynnagh, as ny aaraghyn, as y skairt erskyn yn aane.

Earrooyn 7:88

As va ooilley ny dew son ny ourallyn-shee, kiare dew as feed, ny reaghyn three-feed, ny heurinyn three-feed, ny eayin jeh’n vleïn shen three-feed. Myr shoh va’n altar er ny chasherickey, lurg da ve ooilit

1 Samuel 10:8

As hed oo sheese roym’s gys Gilgal; as cur-my-ner, hig-yms sheese hood, dy hebbal ourallyn-losht, as ourallyn-shee: shiaght laa nee oo farkiagh, derrey hig-ym, dy chur royd cre nee oo y yannoo.