Leviticus 27:9 - Yn Vible Casherick 1775 1819

⁹ As my she baagh t’ayn, jeh nyn lheid as ta sleih chebbal gys y Chiarn: cre-erbee y lheid ta dooinney dy choyrt da’n Chiarn, bee eh casherick.

Leviticus 27:9 ပူးပေါင်းရင်းမြစ်များ

Raaghyn Creeney 20:25

Te ribbey da’n dooinney ta spooilley cooid chasherick; as lurg breearraghyn, shirrey brishey ad.

Ecclesiastes 5:6

Ny lhig da dty veeal ve oyr peccah da dty chorp; chamoo abbyr roish chaghter Yee, She marranys ve: cre’n-fa yinnagh oo Jee y vrasnaghey lesh dty ghoan, dy stroie obbyr dty laueyn?

Ezekiel 48:14

As cha jig lhieu veg jeh y chreck, chamoo y choonrey, ny foast dy choyrt er-gioal toshiaght messyn y cheer: son ta shen casherick gys y Chiarn.

Leviticus 27:10

Cha jean eh caghlaa, ny coonrey eh, mie son sie, ny sie son mie; as my nee eh coonrey baagh son baagh; eisht bee ad ny-neesht casherick.

Leviticus 27:8

Agh mannagh vel fort echey dy eeck y phrice v’er ny choyrt er; eisht hig eh fenish y taggyrt, as nee’n saggyrt price y hoiaghey er: cordail rish y fort echeysyn ren breearrey, ver y saggyrt price er.

Leviticus 5:15

My ta persoon erbee kyndagh jeh loght, as er n’yannoo peccah trooid mee-hushtey, ayns cooid casherick y Chiarn; eisht ver eh lesh son y loght echey gys y Chiarn, rea fegooish lheamys ass ny shioltaneyn, lurg y phrice ver oo er, ayns shekelyn argid, cordail rish y shekel-casherick, son oural-loght.

Noo Mian 15:5

Agh ta shiuish gra, Quoi-erbee jir rish ayr ny moir, Yn chooid-choonee shen oddagh uss jerkal rish voym’s, te gioot er ny chasherickey gys Jee.