Leviticus 27:3 - Yn Vible Casherick 1775 1819

³ As my te son dooinney veih feed gys three-feed bleïn dy eash; bee’n phrice-feaysley echey jeih shekelyn as da-eed dy argid, lurg shekel yn ynnyd casherick.

Leviticus 27:3 ပူးပေါင်းရင်းမြစ်များ

2 Reeaghyn 12:4

As dooyrt Jehoash rish ny saggyrtyn, Ooilley argid yn chooid chasherick t’er ny choyrt lesh stiagh gys thie’n Chiarn, eer argid y cheesh ta soit er kione dagh dooinney dy eeck, as ooilley’n argid ta dagh dooinney lesh cree arryltagh dy hebbal ayns thie’n Chiarn,

Exodus 30:13

Shoh nee ad dy chooilley unnane geeck, ny mast’ ocsyn ta cur stiagh nyn enmyn; lieh shekel, lurg shekel yn ynnyd casherick; (ta shekel feed gerah:) lieh shekel vees oural y Chiarn.

Exodus 38:24

Ooilley’n airh va baarit er yn obbyr, ayns slane obbyr yn ynnyd casherick, eer airh yn oural, ve nuy talentyn as feed, as shiaght cheead as jeih shekelyn as feed, cordail rish shekel yn ynnyd casherick.

Leviticus 27:14

As tra ta dooinney chebbal e hie dy ve casherick da’n Chiarn; eisht nee’n saggyrt y phriceil eh, my she mie ny sie te: myr nee’n saggyrt priceil eh, shen myr vees eh.

Leviticus 27:25

As bee dy chooilley phrice jeu shoh cordail rish shekel yn ynnyd casherick: feed gerah gys un shekel.

Leviticus 27:4

As my te son ben, eisht bee eh jeih shekelyn as feed.

Leviticus 5:15

My ta persoon erbee kyndagh jeh loght, as er n’yannoo peccah trooid mee-hushtey, ayns cooid casherick y Chiarn; eisht ver eh lesh son y loght echey gys y Chiarn, rea fegooish lheamys ass ny shioltaneyn, lurg y phrice ver oo er, ayns shekelyn argid, cordail rish y shekel-casherick, son oural-loght.

Leviticus 6:6

As ver eh lesh yn oural-loght echey gys y Chiarn, rea gyn lheamys ass y chioltane, marish yn ooley, son oural-loght gys y taggyrt.

Earrooyn 18:16

As ad shen ta dy ve feayshlit, veih mee d’eash, ver oo orroo geeck er nyn son, cordail rish dty phrice, son queig shekelyn dy argid, lurg shekel y chabbane-casherick, ta shen feed gerah.

Earrooyn 3:47

Nee oo eer goaill queig shekelyn y kione, son dagh unnane, cordail rish shekel yn ynnyd casherick nee oo goaill ad: ta shekel feed gerah.