Leviticus 26:3 - Yn Vible Casherick 1775 1819

³ My nee shiu shooyl ayns my lattyssyn, as freayll m’annaghyn, as jannoo ad;

Leviticus 26:3 ပူးပေါင်းရင်းမြစ်များ

Nehemiah 1:9

Agh my nee shiu chyndaa hym’s, as freayll my annaghyn, as cooilleeney ad, ga dy beagh paart j’iu eiyrit magh gys ardjyn sodjey magh y theihll, foast neem’s ad y haglym veih shen, as ver-ym lhiam ad gys yn ynnyd ta mee er reih, dy hoiaghey m’ennym ayn.

Exodus 23:25

As nee shiu shirveish y Chiarn y Jee eu, as ver eh bannaght er dty arran, as er dty ushtey, as neem’s aslayntyn y ghoaill veih nyn mast’ eu.

Isaiah 1:19

My vees shiu arrymagh as ammyssagh, nee shiu gee jeh foays ny cheerey:

Isaiah 30:23

Eisht ver eh fliaghey er dty rass nee oo cuirr ayns dty halloo, as bee yn arran jeh bishaghey yn thallooin kenjal as palchey: ’sy laa shen nee dty vaase gyndyr ayns aberyn lheaney.

Jeremiah 11:4

Shen hug mee ayns currym da nyn ayraghyn ’sy laa hug mee lhiam magh ad veih cheer Egypt, veih’n choirrey yiarn, gra, Bee-jee biallagh da goan my choraa, as jean-jee ad y chooilleeney, cordail rish ooilley ta mee dy harey diu: myr shen bee shiuish yn pobble aym’s, as beem’s yn Jee euish;

Leviticus 19:25

As ayns y wheiggoo vleïn, nee shiu gee jeh’n mess oc, dy vod bannaght smoo ve er y vishagh oc: Mish y Chiarn y Jee eu.

Zechariah 8:12

Son bee yn sheel correy messoil, nee yn billey gymmyrkey mess, as ver y thalloo magh brat palchey, as ver ny niaughyn nyn ghruight, as ver-yms da fooilliagh yn phobble shoh ooilley ny reddyn shoh ayns nyn gummal.

Malachi 3:10

Cur-jee lhieu ooilley ny jagheenyn gys y thie-tashtee, dy vod beaghey ’ve ayns my hie’s, as prow-jee mee nish lesh shoh, ta Chiarn ny flaunyssee dy ghra, mannagh voshil-yms diuish uinniagyn yn aer, as deayrtey magh bannaght, nagh bee room dy liooar dy ghoaill stiagh eh.

Deuteronomy 7:12

Shen-y-fa hig eh gy-kione, my eaishtys shiu rish ny briwnyssyn shoh, dy reaylley as dy yannoo ad; dy jean y Chiarn dty Yee freayll rhyt’s yn conaant as y myghin vreear eh da dty ayraghyn.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard-valley.