Leviticus 24:2 - Yn Vible Casherick 1775 1819

² Oardee da cloan Israel, dy der ad lhieu hood’s yn ooil-olive share as s’glenney, son soilshey, dy vod ny lampyn lossey dy kinjagh.

Leviticus 24:2 ပူးပေါင်းရင်းမြစ်များ

2 Recortyssyn 13:11

As t’ad chebbal gys y Chiarn, dagh moghrey as fastyr, ourallyn-losht, as oural-millish: yn arran casherick myrgeddin t’ad soiaghey magh ayns order er y voayrd casherick, as y kainlere dy airh lesh e lampyn, dy lossey dy chooilley fastyr: son ta shinyn freayll currym y Chiarn nyn Yee; agh ta shiuish er hreigeil eh.

Psalmyn 119:105

Ta dty ghoo londeyr da my chassyn: as soilshey da my chesmadyn.

Psalmyn 119:130

Tra ta dty ghoo goll magh: te coyrt soilshey as creenaght da’n vooinjer ôney.

Exodus 39:37

Yn kainlere glen [airhey] lesh e lampyn, ad dy ve soit ayns order, as ooilley ny siyn echey, as yn ooil son soilshey,

Exodus 40:24

As hug eh yn kainlere ayns y chabbane-agglish, jeeragh er y voayrd, rish lhiattee jiass y chabbane-agglish.

Raaghyn Creeney 6:23

Son ta’n anney myr cainle, as ta’n leigh soilshey; as smaght lesh ynsagh, te raad y vea.

Isaiah 11:2

As nee Spyrryd y Chiarn tannaghtyn ersyn, spyrryd dy chreenaght as dy hoiggal, spyrryd dy choyrle as dy niart, spyrryd dy hushtey as dy aggle y Chiarn;

Isaiah 8:20

Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

Leviticus 24:1

As loayr y Chiarn rish Moses, gra,

Leviticus 24:3

Cheu-mooie jeh curtan yn eanish, ayns y chabbane-agglish, nee Aaron y hoiaghey magh ad, veih’n astyr gys y voghrey, fenish y Chiarn dy kinjagh. Bee shen slattys beayn ayns nyn sheelogheyn.

Noo Mian 4:16

Ta’n pobble va nyn soie ayns dorraghys, er vakin soilshey mooar: as orroosyn va nyn soie ayns cheer as scadoo’n vaaish, ta soilshey er n’irree seose.

Noo Mian 5:16

Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Luke 12:35

Lhig da ny meeghyn eu ve cryssit, as ny cainleyn eu foaddit;

Noo Ean 1:4

Aynsyn va bea, as va’n vea soilshey deiney.

Noo Ean 1:9

Shen va’n soilshey firrinagh, ta soilshean ayns dy chooilley ghooinney ta cheet er y theihll.

Noo Ean 5:35

V’eshyn ny hoilshey gial as sollys: as va shiu booiagh son earish boggey ’ghoaill ayns y soilshey echey.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooylee eh ayns y dorraghys, agh bee echeysyn soilshey yn vea.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid-ny-hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.