Leviticus 22:2 - Yn Vible Casherick 1775 1819

² Loayr rish Aaron, as e vec, [ayns nyn neu-ghlennid], dy scarrey ad hene, veih reddyn casherick cloan Israel, as nagh jean ad beg y hoiaghey jeh m’ennym’s casherick, ayns shen ny t’ad dy chasherickey hym’s: Mish y Chiarn.

Leviticus 22:2 ပူးပေါင်းရင်းမြစ်များ

Ezra 8:28

As dooyrt mee roo, Ta shiu casherick gys y Chiarn, ta ny siyn casherick myrgeddin, as ta’n argid as yn airh, oural-arryltagh gys y Chiarn, Jee nyn ayraghyn.

Exodus 13:12

Dy der oo er-lheh da’n Chiarn ooilley yn chied-ruggit, as jeh dty chied ingan maaish, bee ny fyrrynee lesh y Chiarn.

Exodus 28:38

As bee eh erskyn eddin Aaron, dy vod Aaron gymmyrkey loghtyn ny reddyn casherick nee cloan Israel y hebbal ayns nyn giootyn casherick. As bee eh kinjagh er glaare e eddin, dy vod soiagh ’ve jeant jeu kiongoyrt rish y Chiarn.

Isaiah 52:11

Scugh-jee, scugh-jee, reue-jee magh veih shen, ny benn-jee rish yn red neu-ghlen; tar-jee magh veih ny mast’ eck; bee-jee glen ta gymmyrkey siyn y Chiarn.

Ezekiel 44:8

As cha vel shiuish er vreayll currym my nheeghyn’s casherick: agh ta shiu er hoiaghey diu hene shirveishee joarree ayns my ynnyd casherick.

Leviticus 15:31

Myr shoh nee shiu cloan Israel y scarrey veih’n neu-ghlennid oc: nagh vow ad baase ayns nyn neu-ghlennid, tra t’ad mee-ooashlaghey my chabbane’s ny mast’ oc.

Leviticus 18:21

Cha lhig oo veg jeh dty luight goll trooid yn aile gys Molech, chamoo nee oo tayrn mee-ooashley er ennym dty Yee: Mish y Chiarn.

Leviticus 19:12

As cha jean shiu loo liorish m’ennym’s dy foalsey; chamoo ghoys oo ennym dty Yee ayns fardail: Mish y Chiarn.

Leviticus 20:3

As neem’s soiaghey m’eddin noi’n dooinney shen, as eshyn y yiarey jeh veih mastey’n pobble; er-yn-oyr dy vel eh er hebbal jeh e luight da Molech, dy chur cooyl rish my ynnyd, casherick, as dy hoiaghey beg jeh m’ennym casherick.

Leviticus 21:6

Bee ad casherick gys y Jee oc, as cha dayrn ad mee-ooashley er ennym nyn Yee: son t’ad chebbal ourallyn y Chiarn jeant lesh aile, as arran y Jee oc: shen-y-fa bee ad casherick.

Leviticus 22:1

As loayr y Chiarn rish Moses, gra,

Leviticus 22:32

Chamoo nee shiu mee-ooashley da m’ennym casherick; agh beem’s er my chasherickey mastey cloan Israel: Mish y Chiarn ta dy nyn gasherickey,

Earrooyn 18:32

As cha bee shiu fo peccah erbee, kyndagh rish, tra ta shiu er scarrey veih yn chooid share jeh: chamoo nee shiu ymmyd cadjin jeh chebballyn casherick cloan Israel, nagh bee shiu er nyn stroie.

Deuteronomy 15:19

As y chied ingan fyrryn ta cheet jeh dty helloo, as jeh dty hioltane, nee oo y chasherickey gys y Chiarn dty Yee: cha jean obbyr erbee lesh dty ghow jeh’n chied ingan, chamoo nee oo lommyrt yn chied eayn jeh dty chirree.