Leviticus 2:4 - Yn Vible Casherick 1775 1819

⁴ As my ver oo lhiat toyrtys dy oural-arran dy ve aarlit ’syn oghe, shegin da ve keeakyn gyn soorit dy flooyr meein lesh ooil ny chione, ny gyn soorit slaiyt lesh ooil.

Leviticus 2:4 ပူးပေါင်းရင်းမြစ်များ

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Exodus 12:8

As nee ad gee yn eill ’syn oie shen, roast lesh aile, as lesh arran gyn soorit, as lesh lossreeyn sharroo nee ad gee eh.

Exodus 16:31

As ren cloan Israel genmys eh Manna: as ve goll-rish rass coriander, gial; as va’n blass echey jeh berreen jeant lesh mill.

Exodus 29:2

As arran gyn soorit, as berreenyn gyn soorit jeant lesh ooil, as keeakyn millish slaiyt lesh ooil: dy flooyr churnaght nee oo ad.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Ezekiel 46:20

Eisht dooyrt eh rhym’s, Shoh yn ynnyd raad nee ny shirveishee broie yn oural-loght, as yn oural-peccah, raad nee ad fuinney yn oural-arran: nagh der ad lhieu magh ad gys y chooyrt t’er cheu-mooie dy chasherickey yn pobble.

Leviticus 1:11

As nee eshyn y varroo eh rish lhiattee twoaie yn altar kiongoyrt rish y Chiarn; as nee ny saggyrtyn mec Aaron spreih yn uill ooilley mygeayrt er yn altar.

Leviticus 10:12

As loayr Moses rish Aaron, as rish Eleazar as rish Ithamar e vec va faagit [bio], Gow-jee yn oural-arran, ta er-mayrn jeh ourallyn y Chiarn jeant lesh aile, as ee-jee shen fegooish soorit, liorish yn altar: son te slane casherick.

Leviticus 6:17

Cha bee shen er ny aarlaghey lesh soorit: ta mish er choyrt shen daue son nyn ayrn jeh ny ourallyn aym’s jeant lesh aile; te smoo casherick, myr ta’n oural-peccah, as yn oural-loght.

Leviticus 7:12

My t’eh chebbal eh son toyrt-booise, eisht nee eh chebbal, marish yn oural dy wooise, keeakyn gyn soorit jeant lesh ooil, as lesh waferyn gyn soorit, slaiyt lesh ooil, as keeakyn jeant lesh ooil, dy flooyr meein, er nyn fryal.

Earrooyn 6:15

As baskad lesh arran-millish, berreenyn dy flooyr meein lesh ooil ny-chione, as keeakyn dy arran-millish slaiyt lesh ooil, marish nyn oural-arran, as nyn oural-jough.

Noo Mian 26:38

Eisht dooyrt eh roo, Ta my annym feer trimshagh, dy jarroo gys y baase: fuirree-jee ayns shoh as freill-jee arrey mârym.

Noo Ean 12:27

Nish ta my annym seaghnit; as cre jir-ym? Ayr, saue mee veih’n oor shoh: agh er-yn-oyr shoh haink mee gys yn oor shoh.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Hebrewnee 7:26

Son va lheid yn ard-saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

1 Peddyr 2:1

Shen-y-fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Peddyr 2:22

Eh nagh ren peccah, chamoo va molteyraght er ny gheddyn ayns e veeal: