Leviticus 2:3 - Yn Vible Casherick 1775 1819

³ As bee yn chooid elley jeh’n oural-arran lesh Aaron as e vec; te’n red smoo casherick jeh ourallyn y Chiarn jeant lesh aile.

Leviticus 2:3 ပူးပေါင်းရင်းမြစ်များ

Ezra 2:63

As dooyrt yn Tirshatha roo, nagh row ad dy ghoaill ayrn ayns ny reddyn smoo casherick, derrey hassagh seose saggyrt lesh Urim as Thummim.

Exodus 29:37

Shiaght laa nee oo lhiasaghey son yn altar, dy chasherickey eh; bee eh ny altar smoo casherick; cha jean nhee erbee nagh vel er ny casherickey bentyn rish yn altar.

Ezekiel 44:29

Nee adsyn beaghey er yn oural-arran, as yn oural-peccah, as yn oural-loght; as dagh nhee t’er ny hebbal ayns Israel vees lhieusyn.

Ezekiel 46:20

Eisht dooyrt eh rhym’s, Shoh yn ynnyd raad nee ny shirveishee broie yn oural-loght, as yn oural-peccah, raad nee ad fuinney yn oural-arran: nagh der ad lhieu magh ad gys y chooyrt t’er cheu-mooie dy chasherickey yn pobble.

Leviticus 10:15

Yn shlingan, as y breast ta chebbit, ver adsyn lhieu, as ny ourallyn jeant lesh aile jeh’n eeh, dy hebbal shen son oural-criht kiongoyrt y Chiarn; as bee shen lhiat’s, as lesh dty vec mayrt, liorish slattys kinjagh, myr ta’n Chiarn er harey.

Leviticus 14:13

As nee eh yn eayn y varroo raad t’eh marroo yn oural-peccah, as yn oural-losht, ’syn ynnyd casherick: son myr ta’n oural-losht cair y taggyrt, myr shen ta’n oural-loght: te slane casherick.

Leviticus 2:10

As bee shen ny ta er-mayrn jeh’n oural-arran, lesh Aaron as e vec: te’n red smoo casherick, jeh ourallyn y Chiarn jeant lesh aile.

Leviticus 21:22

Nee eh gee arran e Yee, chammah jeh shen smoo casherick, as shen ta sloo casherick.

Leviticus 5:13

As nee’n saggyrt jannoo lhiasaghey son e pheccah t’eh er n’yannoo, ayns veg jeu shoh, as bee eh er ny leih da: as bee’n chooid elley lesh y taggyrt, myr oural-arran.

Leviticus 6:26

Nee’n saggyrt ta chebbal shen son peccah, gee eh: ’syn ynnyd casherick vees eh er ny ee, ayns cooyrt y chabbane-agglish.

Leviticus 6:9

Oardee da Aaron as e vec, gra, Shoh leigh yn oural-losht: (she’n oural-losht eh, er-yn-oyr dy vel eh lostey er yn altar fud-ny-hoie gys y voghrey, as bee aile yn altar lostey er)

Leviticus 7:7

Myr ta’n oural-peccah, shen myr ta’n oural-loght; yn un leigh ta daue ny-neesht: te cair y taggyrt ta jannoo lhiasaghey lesh.

Leviticus 7:9

As ooilley yn oural-arran, t’er ny aarlaghey ’syn oghe, as ooilley ny ta aarlit ’sy frynepan, as ayns y phan, bee eh lesh y taggyrt ta dy hebbal eh.

Earrooyn 18:9

Shoh vees lhiat’s jeh’n chooid smoo casherick, jeh cre-erbee vees er-mayrn lurg yn oural-losht: ooilley ny chebballyn oc, ooilley nyn ourallyn-arran, as ooilley nyn ourallyn-peccah, as ooilley nyn ourallyn son aggair, nee ad geeck dooys, bee ad dy slane er nyn gasherickey da dty vec.

1 Samuel 2:28

As ren mee eshyn y reih ass ooilley tribeyn Israel dy ve my haggyrt, dy hebbal er m’altar, dy lostey incense, dy ve coamrit lesh ephod ayns my enish? as dug mee da thie dt’ayrey ooilley ourallyn cloan Israel jeant lesh aile?