Leviticus 2:1 - Yn Vible Casherick 1775 1819

¹ As tra nee fer erbee chebbal oural-arran da’n Chiarn ta’n oural echey dy ve flooyr meein: as nee eh deayrtey ooil er, as coyrt frankincense huggey.

Leviticus 2:1 ပူးပေါင်းရင်းမြစ်များ

Exodus 29:2

As arran gyn soorit, as berreenyn gyn soorit jeant lesh ooil, as keeakyn millish slaiyt lesh ooil: dy flooyr churnaght nee oo ad.

Isaiah 43:23

Cha nee dooys t’ou er hebbal eayin ny mannanyn dty ourallyn-losht, chamoo t’ou er ooashlaghey mish lesh dty hebballyn: cha nee mish t’er chiangley lheid yn oural ort, ny er choyrt oo gys cost incense.

Isaiah 66:20

As ver ad lhieu ooilley nyn mraaraghyn son chebbal da’n Chiarn, ass dy chooilley ashoon, er cabbil, as ayns fainee, as er carriads, as er muleyn, as er maase bieau, gys my lieau’s casherick Jerusalem, ta’n Chiarn dy ghra, myr ta cloan Israel coyrt lhieu oural ayns saagh glen gys thie yn Chiarn.

Ezekiel 46:20

Eisht dooyrt eh rhym’s, Shoh yn ynnyd raad nee ny shirveishee broie yn oural-loght, as yn oural-peccah, raad nee ad fuinney yn oural-arran: nagh der ad lhieu magh ad gys y chooyrt t’er cheu-mooie dy chasherickey yn pobble.

Joel 1:9

Ta’n oural-arran, as yn oural-jough giarit jeh veih thie yn Chiarn, ta ny saggyrtyn, shirveishee yn Chiarn, dobberan.

Joel 2:14

Quoi ec ta fys, nagh jyndaa eh reesht, as arrys y ghoaill, as bannaght y aagail ny yeï, dy jarroo, oural-arran, as oural-feeyney da’n Chiarn y Jee eu?

Leviticus 14:10

As er yn hoghtoo laa, nee eshyn goaill daa eayn fyrryn fegooish lheamys, as un eayn bwoirryn jeh’n chied vleïn gyn lheamys, as mysh daa chaart jeig dy flooyr meein son oural-arran, lesh ooil ny chione, as lieh phunt dy ooil.

Leviticus 24:7

As ver uss frankincense ghlen er dagh coorse, dy vod eh ve er yn arran son imraa, eer oural jeant lesh aile gys y Chiarn.

Leviticus 5:11

Agh mannagh bee fort echey dy chur lesh daa chalmane-turtle, ny daa eean calmane, eisht ver eshyn ta er n’yannoo peccah lesh yn jeihoo ayrn dy ephah dy flooyr meein, son oural-peccah; cha der eh veg yn ooil er, chamoo ver eh veg y frankincense er: son oural-peccah t’ayn.

Leviticus 6:7

As nee’n saggyrt lhiasaghey ’yannoo er e hon, fenish y Chiarn; as bee eh er ny leih da, son cre-erbee yn aggair t’eh er n’yannoo.

Leviticus 9:17

As hug eh lesh yn oural-arran, as ghow eh lane doayrn jeh, as shen y lostey er yn altar, cheu-mooie jeh oural-losht y voghrey.

Leviticus 9:4

Dow as rea myrgeddin son oural-shee, dy hebbal kiongoyrt y Chiarn: as oural-arran lesh ooil ny chione: son jiu nee’n Chiarn eh hene y hoilshaghey diu.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Earrooyn 18:9

Shoh vees lhiat’s jeh’n chooid smoo casherick, jeh cre-erbee vees er-mayrn lurg yn oural-losht: ooilley ny chebballyn oc, ooilley nyn ourallyn-arran, as ooilley nyn ourallyn-peccah, as ooilley nyn ourallyn son aggair, nee ad geeck dooys, bee ad dy slane er nyn gasherickey da dty vec.

Earrooyn 28:5

As yn jeihoo ayrn jeh ephah dy flooyr, son oural-arran, lesh yn chiarroo ayrn dy hin jeh’n ooil s’miljey ny-chione.

Earrooyn 29:18

As nyn oural-arran, as nyn ourallyn-feeyney, lesh ny dew, lesh ny reaghyn, as lesh ny eayin, vees cordail rish yn earroo oc, lurg yn oardagh:

Earrooyn 7:13

As va’n chebbal echey un chlaare mooar argid, yn trimmid echey va shey-feed as jeih shekelyn, un veiley argid va three-feed as jeih shekelyn, cordail rish shekel y chabbane-casherick, as ad ny-neesht lane dy flooyr meein lesh ooil ny-chione, son oural-arran:

Earrooyn 7:19

Va’n chebbal echey un chlaare mooar argid, yn trimmid echey va shey-feed as jeih shekelyn, un veiley argid va three-feed as jeih shekelyn, cordail rish shekel y chabbane casherick, as ad ny-neesht lane dy flooyr meein, lesh ooil ny-chione, son oural-arran:

Earrooyn 8:8

Eisht lhig daue goaill dow aeg marish e oural-arran, ta shen, flooyr lesh ooil ny-chione; as dow aeg elley nee uss goaill son oural-peccah.

Noo Ean 6:35

As dooyrt Yeesey roo, Mish arran y vea: eshyn ta cheet hym’s, cha bee eh dy bragh accryssagh; as eshyn ta credjal aynym, cha bee eh dy bragh paagh.

1 Ean 2:20

Agh ta shiu er ny ooilaghey liorish y fer casherick, as toiggal eu ayns dy chooilley nhee.

1 Ean 2:27

Agh ta’n ooilaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooilaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.

Jude 1:20

Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,

Ashlish 8:3

As haink ainle elley as hass eh ec yn altar, as plate airh echey; as va er ny choyrt da mooarane dy oural-millish, dy jinnagh eh shen y hebbal marish padjeryn ooilley ny nooghyn er yn altar dy airh, va kiongoyrt rish y stoyl-reeoil.