Leviticus 13:4 - Yn Vible Casherick 1775 1819

⁴ My ta’n cron sollys gial ’sy chrackan, as nagh vel eh, ayns shilley, ny s’diuney na’n chrackan, as nagh vel y fynney echey er jyndaa bane; eisht ver y saggyrt eshyn ta’n doghan er ayns boayl er-lheh, son shiaght laa.

Leviticus 13:4 ပူးပေါင်းရင်းမြစ်များ

Ezekiel 44:10

As ny Leviteyn ta er n’gholl ersooyl foddey voym ayns shaghrynys Israel, hie er-shaghryn voym’s lurg nyn yallooyn, nee ad shen gymmyrkey nyn mee-chairys hene.

Leviticus 13:11

She shenn louraanys t’ayn, ayns crackan yn eill echey, as nee’n saggyrt eshyn y vriwnys neu-ghlen; as cha jean eh jeigh seose eh (son trial sodjey:) son t’eh neu-ghlen.

Leviticus 13:25

Eisht nee’n saggyrt jeeaghyn er: as cur-my-ner, my ta ny renaigyn ayns y chron sollys er jyndaa bane, as ayns shilley, ny s’diuney na’n chrackan: she louraanys t’ayn er vrishey magh ayns y lostey: er shoh nee’n saggyrt eh y vriwnys neu-ghlen: te’n loihrey.

Leviticus 13:26

Agh my nee’n saggyrt jeeaghyn er, as cur-my-ner, nagh vel y fynney bane er y chron sollys, as nagh vel eh veg s’diuney na’n chrackan, agh red beg dorraghey; eisht nee yn saggyrt jeigh seose eh shiaght laa.

Leviticus 13:3

As nee’n saggyrt jeeaghyn er y doghan, ayns crackan yn eill: as tra ta ny renaigyn ayns y doghan er hyndaa bane, as y doghan, ayns shilley, ny s’diuney na crackan yn eill echey; doghan dy louraanys eh: as nee’n saggyrt jeeaghyn er, as briwnys eh neu-ghlen.

Leviticus 13:31

As my ta’n saggyrt jeeaghyn er doghan y charrid, as cur-my-ner, nagh vel eh, ayns shilley, ny s’diuney na’n chrackan, as nagh vel veg y folt doo ayn: eisht nee’n saggyrt jeigh seose eshyn ta’n doghan carragh er, shiaght laa.

Leviticus 13:5

As nee’n saggyrt jeeaghyn er, yn chiaghtoo laa: cur-my-ner, mannagh vel y doghan, ayns y shilley echey, er n’gholl ny sodjey, as nagh vel y doghan er skeayley ayns y chrackan: eisht nee’n saggyrt eh y yeigh seose shiaght laa sodjey.

Leviticus 13:50

As nee’n saggyrt jeeaghyn er y doghan, as ver eh dy lhiattee eshyn ta’n doghan ayn, shiaght laa.

Leviticus 14:38

Eisht hed y saggyrt magh er dorrys y thie, as nee eh jeigh seose y thie shiaght laa.

Earrooyn 12:14

As dooyrt y Chiarn rish Moses, Dy beagh yn ayr eck er cheau shelley ’syn eddin eck, nagh beagh nearey er ve urree son shiaght laa? lhig ee ve er ny scarrey veih’n cheshaght son shiaght laa, as lurg shen lhig ee ve goit stiagh reesht.

Earrooyn 12:15

As va Miriam currit magh ass y champ son shiaght laa: as cha jagh yn pobble er nyn doshiaght, derrey va Miriam er ny ghoaill stiagh reesht.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

Deuteronomy 13:14

Nee oo eisht briaght, as geddyn magh as feysht dy kiaralagh; as cur-my-ner, my ta’n chooish firrinagh, as dy vel eh, son shickyrys, myr shen, as dy fondagh er ny phrowal, dy vel lheid y peccah eajee jeant ny mast’ eu:

1 Timothy 5:24

Ta peccaghyn paart dy gheiney er ny hoilshaghey ro-laue, goll rhymboo gys briwnys; as paart dy gheiney t’ad cheet nyn yeï.