Leviticus 13:3 - Yn Vible Casherick 1775 1819

³ As nee’n saggyrt jeeaghyn er y doghan, ayns crackan yn eill: as tra ta ny renaigyn ayns y doghan er hyndaa bane, as y doghan, ayns shilley, ny s’diuney na crackan yn eill echey; doghan dy louraanys eh: as nee’n saggyrt jeeaghyn er, as briwnys eh neu-ghlen.

Leviticus 13:3 ပူးပေါင်းရင်းမြစ်များ

Genesis 13:3

As hie eh er e yurnah veih yn jiass, eer gys Beth-el, gys yn ynnyd raad va e chabbane ec y toshiaght, eddyr Beth-el as Hai.

Ezekiel 16:30

Cre cha faase ta dty chree, ta’n Chiarn Jee dy ghra, fakin dy vel oo cur-rish ooilley ny reddyn shoh, obbyr ben-streebee ard-vooaralagh!

Ezekiel 44:23

As ynsee ad my phobble dy yannoo soiaghey eddyr casherick as an-chasherick, as dy hoiggal y lhiettrimmys eddyr glen as neu-ghlen.

Hosea 7:9

Ta joarreeyn er choyrt mow e niart, agh cha vel baght echey er shoh: dy feer, ta kuse dy renaigyn lheeah noon as noal er, ny-yeih cha vel eh goaill tastey jeu.

Leviticus 10:10

As dy vod shiu briwnys y yannoo eddyr casherick as neu-chasherick, as eddyr neu-ghlen as glen:

Leviticus 13:10

As nee’n saggyrt jeeaghyn er: as cur-my-ner, my ta’n att bane ’sy chrackan, as y fynney bane, as feill vio cheet rish ayns yn att;

Leviticus 13:2

Tra vees ec dooinney ayns crackan yn eill echey att, screb, ny cron sollys, as shen dy ve ayns crackan yn eill echey, goll-rish y doghan dy louraanys; eisht bee eh er ny chur lesh gys Aaron y saggyrt, ny gys fer jeh e vec ny saggyrtyn.

Leviticus 13:20

As tra ta’n saggyrt fakin eh, cur-my-ner, my te ayns shilley, ny s’diuney na’n chrackan, as y fynney er jyndaa bane: nee’n saggyrt briwnys eh neu-ghlen: she doghan y louraanys t’ayn, er vrishey magh ass yn askaid.

Leviticus 13:4

My ta’n cron sollys gial ’sy chrackan, as nagh vel eh, ayns shilley, ny s’diuney na’n chrackan, as nagh vel y fynney echey er jyndaa bane; eisht ver y saggyrt eshyn ta’n doghan er ayns boayl er-lheh, son shiaght laa.

Leviticus 13:8

As my ta’n saggyrt fakin, as cur-my-ner dy vel y screb skeayley ayns y chrackan: eisht nee’n saggyrt eshyn y vriwnys neu-ghlen; louraanys t’ayn.

Leviticus 14:37

As nee eh jeeaghyn son y doghan, as cur-my-ner, my ta’n doghan ayns voallaghyn y thie, lesh schimmeigyn dowiney; geayney ny jiarg, ry-akin dowin ’sy voalley;

Leviticus 14:54

Shoh’n leigh son dy chooilley cheint dy ghoghan, dy louraanys, as carrid,

Leviticus 14:56

As son askaid, as son screb, as son cron sollys,

Leviticus 5:3

My t’eh bentyn rish neu-ghlennid dooinney; cre-erbee’n neu-ghlennid eh, ta jannoo dooinney neu-ghlen, as te gyn-yss da: tra yiow eh fys er, eisht bee eh foiljagh.

Haggai 2:11

Shoh myr ta Chiarn ny flaunyssee dy ghra, Jean briaght nish jeh ny saggyrtyn mychione y leigh, gra,

Malachi 2:7

Son lhisagh meillyn ny saggyrtyn freayll tushtey, as lhisagh ad shirrey yn leigh ec e veeal, son eshyn chaghter Chiarn ny flaunyssee.

Noo Mian 16:19

As ver-yms dhyt’s ogheryn reeriaght niau: as cre-erbee chianglys oo er y thalloo, bee eh kianlt ayns niau: as cre-erbee eayslys oo er y thalloo, bee eh er ny eaysley ayns niau.

Noo Ean 20:23

Da quoi-erbee ta shiuish leih peccaghyn, t’ad er nyn leih daue; as da quoi-erbee nagh vel shiu cur feaysley, cha vel ad feayshlit.

Jannoo 20:28

Cur-jee twoaie er-y-fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Romanee 7:7

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er-be dy dooyrt y leigh, Cha der oo saynt.

1 Timothy 1:20

Jeu shoh ta Hymeneus as Alexander; ad ta mee er livrey gys y drogh-spyrryd, dy vod ad gynsaghey dyn dy loayrt goan mollaghtagh.

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

Hebrewnee 13:7

Cooinee-jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er-jerrey nyn ymmyrkey-bea.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.