Leviticus 13:2 - Yn Vible Casherick 1775 1819

² Tra vees ec dooinney ayns crackan yn eill echey att, screb, ny cron sollys, as shen dy ve ayns crackan yn eill echey, goll-rish y doghan dy louraanys; eisht bee eh er ny chur lesh gys Aaron y saggyrt, ny gys fer jeh e vec ny saggyrtyn.

Leviticus 13:2 ပူးပေါင်းရင်းမြစ်များ

2 Samuel 3:29

Lhig da lhie er kione Yoab, as er ooilley thie e ayrey; as cha bee thie Yoab dy bragh fegooish fer lesh roie-folley, ny lourane, ny baccagh, ny fer dy huittym er e chliwe, ny fer ta feme arran.

2 Reeaghyn 5:1

Nish va Naaman, captan sheshaght-caggee ree Syria, ny ghooinney ooasle kiongoyrt rish e vainshtyr, as onnoroil; er-yn-oyr dy row’n Chiarn liorishyn er choyrt barriaght da Syria: v’eh myrgeddin ny ghooinney niartal ayns caggey; agh v’eh ny lourane.

2 Reeaghyn 5:27

Nee louraanys Naaman er-y-fa shen lhiantyn dhyt’s, as da dty luight son dy bragh. As hie eh magh ass e enish ny lourane cha gial as sniaghtey.

Isaiah 1:6

Veih boyn ny coshey eer gys y chione cha vel slaynt erbee ayn; agh lhottyn, as brooghyn, as chingyn yngyragh: cha vel ad er ve glennit ny soïlit, chamoo er ny veiyghey lesh shelliu.

Isaiah 3:17

Shen-y-fa nee yn Chiarn bwoalley lesh y screb kione carragh inneenyn Zion, as nee’n Chiarn ad y roostey.

Leviticus 13:1

As loayr y Chiarn rish Moses, gra,

Leviticus 13:3

As nee’n saggyrt jeeaghyn er y doghan, ayns crackan yn eill: as tra ta ny renaigyn ayns y doghan er hyndaa bane, as y doghan, ayns shilley, ny s’diuney na crackan yn eill echey; doghan dy louraanys eh: as nee’n saggyrt jeeaghyn er, as briwnys eh neu-ghlen.

Leviticus 13:8

As my ta’n saggyrt fakin, as cur-my-ner dy vel y screb skeayley ayns y chrackan: eisht nee’n saggyrt eshyn y vriwnys neu-ghlen; louraanys t’ayn.

Leviticus 14:3

As hed y saggyrt magh ass y champ as nee’n saggyrt jeeaghyn, as cur-my-ner, my ta doghan yn loihrey er ny lheihys ayns y lourane,

Leviticus 14:35

As dy jig eshyn, s’liesh y thie, as ginsh da’n taggyrt, gra, Er-lhiam dy vel caslys y doghan dy louraanys ayns y thie:

Leviticus 14:56

As son askaid, as son screb, as son cron sollys,

Malachi 2:7

Son lhisagh meillyn ny saggyrtyn freayll tushtey, as lhisagh ad shirrey yn leigh ec e veeal, son eshyn chaghter Chiarn ny flaunyssee.

Earrooyn 12:10

As ren y bodjal troggal jeh’n chabbane-agglish, as cur-my-ner, haink Miriam dy ve louraanagh, gial myr sniaghtey: as yeeagh Aaron er Miriam, as cur-my-ner v’ee louraanagh.

Earrooyn 12:12

Ny lhig ee ve myr y varroo; ta’n eill echey lieh-mow, tra t’eh cheet ass breïn e vayrey.

Noo Mian 8:4

As dooyrt Yeesey rish, Jeeagh nagh n’insh oo shoh da dooinney erbee, agh immee royd, as jeeagh oo hene da’n taggyrt, as cheb yn oural doardee Moses son feanish daue.

Noo Mark 1:44

As dooyrt eh rish, Jeeagh nagh loayr oo veg rish dooinney erbee: agh immee royd, jeeagh oo hene da’n taggyrt, as cheb son dty ghlenney shen doardee Moses son cowrey daue.

Noo Luke 17:14

As tra v’eh er yeeaghyn orroo, dooyrt eh roo, Immee-jee as jeeagh-jee shiu hene da ny saggyrtyn. As haink eh gy-kione, myr v’ad goll, dy row ad er nyn ghlenney.

Noo Luke 5:14

As hug eh currym er gyn eh dy insh shoh da dooinney erbee: agh immee, as jeeagh oo hene da’n taggyrt, as cheb son dty ghlenney, myr ta Moses er harey, dy ve son feanish daue.

Deuteronomy 24:8

Gow tastey, ayns doghan dy louraanys, dy jean oo dy kiaralagh lurg ooilley ny nee ny saggyrtyn ny Leviteyn gynsaghey dhyt: myr hug mish currym orroosyn, myr shen nee shiu dy kiaralagh y chooilleeney.

Deuteronomy 28:27

Nee’n Chiarn oo y woalley lesh askaidyn Egypt, lesh ny pileyn, as lesh y screb, as lesh y taghys, nagh vod v’er ny lheihys.