Leviticus 10:9 - Yn Vible Casherick 1775 1819

⁹ Ny jean giu feeyn ny jough lajer, uss, ny dty vec mayrt, tra ta shiu goll stiagh ayns y chabbane-agglish, er-aggle dy vow shiu baase: bee shoh slattys kinjagh trooid nyn sheelogheyn:

Leviticus 10:9 ပူးပေါင်းရင်းမြစ်များ

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer breïn e vayrey.

1 Timothy 3:3

Cha nee iuder-feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

Titus 1:7

Son shegin da aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

Ephesianee 5:18

As ny bee-jee er-meshtey lesh feeyn, ayn ta neu-heeltys; agh bee-jee er nyn lhieeney lesh y Spyrryd;

Ezekiel 44:21

Chamoo nee saggyrt erbee giu feeyn, tra t’ad goll stiagh ’sy chooyrt sthie.

Isaiah 28:7

Agh t’adsyn myrgeddin er n’gholl er-shaghryn liorish feeyn, as liorish jough lajer t’ad ass y raad: ta’n saggyrt as y phadeyr fo shaghrynys liorish jough lajer, t’ad baiht ayns feeyn, t’ad ass y raad liorish jough lajer; t’ad mollit ayns ashlish, t’ad leaystey ayns briwnys.

1 Timothy 3:8

Myrgeddin shegin da ny shirveishee ve soccaragh, cha nee chengey lhiam as lhiat, nagh bee ad neu-heelt ayns feeyn, gyn ve sondagh er cosney scammyltagh,

Earrooyn 6:3

Nee eh freayll eh hene veih feeyn as jough lajer, cha jean eh giu vinegar-feeyney, ny vinegar dy yough lajer, chamoo nee eh giu soo erbee veih ny messyn-feeyney, ny gee messyn-feeyney lesh soo appee, ny chirrym.

1 Timothy 5:23

Ny iu ushtey ny sodjey, agh gow red beg dy feeyn dy niartaghey dty stamack, as son dy vel oo cha mennick aslayntagh.

Hosea 4:11

Ta maarderys, as feeyn, as feeyn noa dy chleayney yn cree.

Raaghyn Creeney 20:1

Ta feeyn ny chialgeyr, jough lajer te eulyssagh: as quoi-erbee ta mollit lioroo, cha vel eh creeney.

Earrooyn 6:20

As nee’n saggyrt troggal ad seose dy ard son oural gys y Chiarn; ta shoh casherick son y taggyrt, lesh y breast as y clingan er nyn graa, as troggit seose: as ny lurg shen, foddee’n Nazarite giu feeyn.

Leviticus 3:17

Bee shoh slattys kinjagh da nyn sheelogheyn trooid ooilley nyn gummallyn, nagh jean shiu gee yn eeh, ny’n uill (jeh baagh erbee.)

Leviticus 10:8

As loayr y Chiarn rish Aaron, gra,

Exodus 27:21

Ayns y chabbane-agglish, cheu-mooie jeh’n churtan, ta kiongoyrt rish arg yn eanish, nee Aaron as e vec goardrail eh, veih fastyr dy moghrey, fenish y Chiarn; bee eh ny slattys kinjagh da ny sheelogheyn ocsyn, dy yannoo shoh ayns lieh chloan Israel.