Leviticus 10:3 - Yn Vible Casherick 1775 1819

³ Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Leviticus 10:3 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Psalmyn 39:10

Va mee my host, as cha doshil mee my veeal: son dty yannoo’s ve.

Psalmyn 39:9

Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Psalmyn 46:10

Bee-jee feagh eisht, as toig-jee dy vel mish Jee: beem’s er my hoiaghey seose mastey ny ashoonyn, as bee’m er my hoiaghey seose er y thalloo.

Psalmyn 89:7

As quoi eshyn mastey ny Jeeghyn: vees casley rish y Chiarn?

Psalmyn 93:5

Ta tonnyn ny marrey niartal, as jannoo feiyr atchimagh: agh ny-yeih ta’n Chiarn, ta cummal er yn yrjid, ny s’niartal.

Exodus 14:17

As neem’s, cur-my-ner, neem’s creeaghyn ny Egyptianee y chreoghey, as hed ad geiyrt orroo: as yioyms dou hene ooashley harrish Pharaoh, as ooilley e heshaght-chaggee, er ny fainee, as er ny markee echey.

Exodus 14:4

As neem’s cree Pharaoh y chreoghey, dy jed eh er nyn eiyrt; as yioyms ooashley liorish soilshaghey my phooar er Pharaoh, as er ooilley e heshaght-chaggee; as bee fys ec ny Egyptianee dy nee mish y Chiarn. As shen myr ren ad.

Exodus 19:22

As lhig da ny saggyrtyn myrgeddin, ta tayrn er-gerrey da’n Chiarn, ad hene y chasherickey, er-aggle dy jean y Chiarn brishey magh orroo.

Exodus 19:24

As dooyrt y Chiarn rish, Immee royd, gow sheese, as hig oo hene, as Aaron seose mayrt: agh ny lhig da ny saggyrtyn as y pobble brishey trooid, dy heet seose gys y Chiarn, er-aggle dy brish eshyn magh orroosyn.

Exodus 30:30

As nee uss Aaron as e vec y ooilaghey, as y chasherickey, dy ve my hirveishee ayns oik y taggyrt.

Isaiah 39:8

Eisht dooyrt Hezekiah rish Isaiah, S’mie ta goo yn Chiarn t’ou uss er loayrt: dooyrt eh ny-sodjey, Son bee shee as ynrickys rish my lhing’s.

Isaiah 49:3

As dooyrt eh rhym, Uss my harvaant, O Israel, aynyd’s beem’s er my ghloyraghey.

Isaiah 52:11

Scugh-jee, scugh-jee, reue-jee magh veih shen, ny benn-jee rish yn red neu-ghlen; tar-jee magh veih ny mast’ eck; bee-jee glen ta gymmyrkey siyn y Chiarn.

Ezekiel 20:41

Neem’s soiaghey jiuish lesh blass millish [nyn ourallyn], tra ver-ym lhiam shiu magh veih’n pobble, as shiu y haglym ass ny cheeraghyn, raad va shiu er nyn skeayley, as beem’s er my chasherickey ayndiu kiongoyrt rish ny ashoonee.

Ezekiel 28:22

As abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, O Zidon, as bee’m er my ghloyraghey aynyd’s: as yiow ad fys, dy nee mish y Chiarn, tra ta mee er chooilleeney my vriwnyssyn aynjee, as tra vee’m er my chasherickey aynjee.

Ezekiel 38:16

As hig oo seose noi my phobble Israel, myr bodjal dy choodaghey yn thalloo; bee shen ayns ny laghyn jerrinagh, as ver-yms lhiam oo noi yn thalloo aym’s, dy vod ny ashoonee geddyn tushtey jeem’s, tra veem’s er my chasherickey aynyd’s, O Ghog, kiongoyrt rish nyn sooillyn.

Ezekiel 40:46

As y chamyr ta jeeaghyn lesh y twoaie, te cour ny saggyrtyn, orroosyn ta currym yn altar: t’ad shoh mec Zadok mastey mec Levi, ta cheet er-gerrey da’n Chiarn dy hirveish dasyn.

Ezekiel 42:13

Eisht dooyrt eh rhym, Ny shamyryn twoaie, as ny shamyryn-jiass shen, ta jeeragh er y trass chooyrt, t’ad shamyryn casherick, ayndoo shen nee ny saggyrtyn, ta cheet er-gerrey da’n Chiarn, gee ny reddyn smoo casherick: ayns shen ver ad dy lhiattee ny reddyn smoo casherick, as yn oural-arran, as yn oural-peccah, as yn oural-loght; son ta’n ynnyd casherick.

Leviticus 21:15

Chamoo nee eh e luight hene y vee-ooashlaghey mastey e phobble: son mish y Chiarn ta dy chasherickey eh.

Leviticus 21:17

Loayr rish Aaron, gra, Quoi-erbee jeh dty luight ayns nyn sheelogheyn, ta lheamys er, ny lhig da cheet er-gerrey dy hebbal arran e Yee:

Leviticus 21:21

Cha jig dooinney erbee jeh sluight Aaron, er ta lheamys, er-gerrey dy hebbal ourallyn y Chiarn jeant lesh aile: ta lheamys ersyn, cha vel eh dy heet er-gerrey dy hebbal arran e Yee.

Leviticus 21:6

Bee ad casherick gys y Jee oc, as cha dayrn ad mee-ooashley er ennym nyn Yee: son t’ad chebbal ourallyn y Chiarn jeant lesh aile, as arran y Jee oc: shen-y-fa bee ad casherick.

Leviticus 21:8

Nee oo, er-y-fa shen, goaill eh dy ve casherick; son t’eh chebbal arran dty Yee: bee eshyn casherick dhyt’s; son ta mish y Chiarn casherick, ta dy chasherickey shiu.

Leviticus 22:9

Nee ad er-y-fa shen, freayll m’oardagh, er-aggle dy lhie ad fo peccah, as baase y gheddyn er y hon, my t’ad dy vrishey eh: Mish y Chiarn ta dyn gasherickey ad.

Leviticus 8:35

Shen-y-fa nee shiu tannaghtyn ec dorrys y chabbane-agglish laa as oie, shiaght laa, as freayll currym y Chiarn: son shoh myr ta mee er my oardaghey.

Earrooyn 16:5

As loayr eh rish Korah, as rish ooilley’n cheshaght echey, gra, Eer mairagh nee’n Chiarn soilshaghey quoi ta leshyn, as quoi ta casherick; as ver eh lesh eh er-gerrey da hene: eshyn da jarroo, t’eh er reih, ver eh lesh er-gerrey da hene.

Earrooyn 20:12

As loayr y Chiarn rish Moses as Aaron, Er-yn-oyr nagh ren shiu m’y chredjal, dy m’y chasherickey ayns sooillyn cloan Israel; shen-y-fa cha nee shiuish ver lhieu yn pobble shoh gys y cheer ta mee er yialdyn daue.

Noo Mian 10:37

Eshyn ta ny s’graihee er ayr ny moir na orrym’s, cha vel eh feeu jee’m: as eshyn ta ny s’graihee er mac ny inneen na orrym’s, cha vel eh feeu jee’m.

Noo Ean 12:28

Ayr, cur gloyr da dty ennym hene. Eisht haink coraa veih niau, gra, Ta mee hannah er ghloyraghey eh, as nee’m eh y ghloyraghey reesht.

Noo Ean 14:13

As cre-erbee nee shiu y hirrey ayns yn ennym aym’s, shen neem’s y yannoo, dy vod yn Ayr v’er ny ghloyraghey ayns y Mac.

Deuteronomy 32:51

Son dy ren shiu peccah m’oï, mastey cloan Israel, ec ushtaghyn Meribah-kadesh, ayns faasagh Zin; son nagh ren shiu m’y chasherickey, fenish cloan Israel.

2 Thessalonianee 1:10

Tra hig eh dy ve er ny ghloyraghey ayns e nooghyn, as dy ve er y laa shen shilley yindyssagh ayndoosyn ooilley ta credjal (er-yn-oyr dy row yn recortys ainyn nyn mast’ eu er ny chredjal):

1 Peddyr 4:17

Son ta’n traa tayrn er-gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.

1 Samuel 6:20

As dooyrt deiney Veth-shemesh, Quoi oddys shassoo kiongoyrt rish y Chiarn Jee casherick shoh? as c’raad hed eh nish voïnyn?