Leviticus 1:9 - Yn Vible Casherick 1775 1819

⁹ Agh y mynnagh as e chassyn nee eh niee lesh ushtey: as loshtee yn saggyrt ooilley er yn altar, dy ve oural-losht, chebbal jeant lesh aile, dy hoar millish da’n Chiarn.

Leviticus 1:9 ပူးပေါင်းရင်းမြစ်များ

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

1 Recortyssyn 6:34

Mac Elkanah, mac Jeroham, mac Eliel, mac Toah,

2 Recortyssyn 4:6

Ren eh myrgeddin jeih tubbyryn, as hug eh queig er y laue yesh, as queig er y laue chiare, ry-hoi niee ayndoo: lheid ny reddyn as v’ad dy hebbal son yn oural-losht, v’ad niee ayndoo; agh va’n keayn gour ny saggyrtyn dy niee ayn.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Psalmyn 66:15

Deïe mee er lesh my veeal: as hug mee moylley da lesh my hengey.

Exodus 12:9

Jeeagh nagh n’ee oo jeh aw, ny broit er aght erbee ayns ushtey, agh roast lesh aile; e chione lesh e chassyn, as shen ny ta bentyn daue.

Exodus 29:18

As nee oo lostey yn slane rea er yn altar; oural-losht eh gys y Chiarn; te ny hoar millish, ny oural chebbit lesh aile gys y Chiarn.

Exodus 29:25

As nee oo ad y ghoaill veih nyn laueyn, as lostey ad er yn altar, son oural-losht, son soar millish kiongoyrt rish y Chiarn: te oural jeant lesh aile gys y Chiarn.

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Ezekiel 20:41

Neem’s soiaghey jiuish lesh blass millish [nyn ourallyn], tra ver-ym lhiam shiu magh veih’n pobble, as shiu y haglym ass ny cheeraghyn, raad va shiu er nyn skeayley, as beem’s er my chasherickey ayndiu kiongoyrt rish ny ashoonee.

Ezekiel 40:38

As va ny shamyryn, as ny entreeyn oc liorish pillaryn ny giattey, raad v’ad niee yn oural-losht.

Leviticus 1:13

As nee eh yn mynnagh as ny cassyn y niee lesh ushtey: as ver y saggyrt lesh ad ooilley, dy lostey ad er yn altar: she oural-losht eh, chebbal jeant lesh aile, gys y Chiarn.

Leviticus 1:17

As nee eh scoltey eh lesh e skianyn er, agh cha der eh ad veih-my-cheilley: as loshtee’n saggyrt eh er y fuygh t’er aile yn altar: she oural-losht eh, chebbal jeant lesh aile, dy hoar millish gys y Chiarn.

Leviticus 2:16

As nee’n saggyrt lostey yn sample jeh, ayrn jeh’n arroo bwoailt, as ayrn jeh’n ooil, marish ooilley’n frankincense: ta shoh chebbal jeant lesh aile gys yn Chiarn.

Leviticus 2:2

As ver eh lesh shen gys ny saggyrtyn mec Aaron: as nee fer jeu goaill ass lane e ghurn jeh’n flooyr, as jeh’n ooil marish ooilley yn frankincense; as nee’n saggyrt lostey ayrn jeh son cowrey er yn altar, dy ve oural jeant lesh aile gys yn Chiarn.

Leviticus 2:9

As nee’n saggyrt goaill veih’n oural-arran sample jeh, as shen y lostey er yn altar: ta shoh oural jeant lesh aile dy hoar millish gys y Chiarn.

Leviticus 3:11

As nee’n saggyrt shen y lostey er yn altar: ta shen bee yn oural jeant lesh aile gys y Chiarn.

Leviticus 3:5

As nee Aaron as e vec shen y lostey er altar yn oural-losht ta er y fuygh: ta shoh chebbal dy hoar millish jeant lesh aile gys y Chiarn.

Leviticus 4:31

As nee eh goaill ass ooilley’n eeh, myr ta’n eeh er ny scarrey veih’n oural-casherick son shee; as nee yn saggyrt shen y lostey er yn altar son soar millish gys y Chiarn: as nee yn saggyrt lhiasaghey ’yannoo er e hon; as bee eh er ny leih da.

Leviticus 6:14

As shoh leigh yn oural-arran: Nee mec Aaron shen y hebbal fenish y Chiarn, roish yn altar.

Leviticus 8:21

As ren eh niee yn mynnagh, as ny cassyn ayns ushtey; as ren Moses lostey yn slane rea er yn altar: va shoh slane oural-losht son soar millish gys y Chiarn; myr doardee yn Chiarn da Moses.

Leviticus 8:28

As ren Moses ad y ghoaill jeh ny laueyn oc, as ad y lostey er yn altar, er yn oural-losht: v’ad shoh chebbit dy chasherickey (Aaron as e vec) son oural-millish: te oural jeant lesh aile gys y Chiarn.

Leviticus 9:14

As ren eh niee yn mynnagh as ny cassyn, as ad y lostey er yn oural-losht er yn altar.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

Earrooyn 15:3

As dy jean shiu oural lesh aile gys y Chiarn, chebbal-losht ny oural, ayns cooilleeney breearrey, ny ayns oural dy aigney-arryltagh, ny ayns nyn feaillaghyn casherick, son oural-millish roish y Chiarn, jeh’n chelloo ny jeh’n chioltane:

Earrooyn 28:11

As ayns toshiaght dagh mee, nee shiu chebbal oural-losht gys y Chiarn: daa ghow aeg, as un rea, shiaght eayin jeh’n vleïn shen gyn lheamys.

Earrooyn 28:7

As bee’n oural-feeyney echey, yn chiarroo ayrn dy hin son un eayn: ayns yn ynnyd casherick nee oo yn feeyn lajer y gheayrtey magh gys y Chiarn, son oural-iu.

Earrooyn 28:8

As yn eayn elley nee oo chebbal ec yn astyr: myr oural-arran y voghrey, as myr yn oural-jough, nee oo chebbal eh ny oural jeant lesh aile, son soar millish roish y Chiarn.

2 Corinthianee 2:15

Son ta shin gys Jee soar millish trooid Creest, ayndoosyn t’er nyn sauail, as ayndoosyn ta cherraghtyn.

Ephesianee 5:2

As immee-jee ayns graih, myr ta Creest myrgeddin er chur graih dooinyn, as er choyrt eh-hene er nyn son, chebbal as oural son soar millish da Jee.

Deuteronomy 12:27

As nee oo chebbal dty ourallyn-losht, yn eill as yn uill, er altar yn Chiarn dty Yee: as bee fuill dty ourallyn er ny gheayrtey magh er altar y Chiarn dty Yee: as nee oo gee yn eill.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.