Leviticus 1:4 - Yn Vible Casherick 1775 1819

⁴ As ver eh e laue er kione y chebbal-losht, as bee soiagh jeant jeh er e hon, dy yannoo lhiasaghey ny chour.

Leviticus 1:4 ပူးပေါင်းရင်းမြစ်များ

Exodus 28:38

As bee eh erskyn eddin Aaron, dy vod Aaron gymmyrkey loghtyn ny reddyn casherick nee cloan Israel y hebbal ayns nyn giootyn casherick. As bee eh kinjagh er glaare e eddin, dy vod soiagh ’ve jeant jeu kiongoyrt rish y Chiarn.

Exodus 29:10

As ver oo lhiat dow kiongoyrt rish y chabbane-agglish: as nee Aaron as e vec nyn laueyn y choyrt er kione y dow.

Exodus 29:15

Nee oo myrgeddin goaill un rea, as ver Aaron as e vec nyn laueyn er kione y rea.

Exodus 29:19

As nee oo yn rea elley y ghoaill, as ver Aaron as e vec nyn laueyn er kione y rea.

Exodus 29:33

As nee ad gee ny reddyn shen, lhieu va’n lhiasaghey jeant, dy oardrail as dy chasherickey ad; agh cha jig lesh fer jeh kynney elley dy ee jeh, son dy vel ad casherick.

Isaiah 56:7

Eer ad shen ver-ym lhiam gys my lieau casherick, as nee’m ad gerjoil ayns my hie dy phadjer; bee soiaghey jeant jeh ny ourallyn-losht as ny chebballyn oc er my altar: son bee my hie’s enmyssit thie dy phadjer son dy chooilley phobble.

Ezekiel 45:15

As un eayn veih’n chioltane magh ass daa cheead, goit ass aberyn mea Israel, son oural-arran, as son oural-losht, as son ourallyn-shee, dy yannoo lhiasaghey er nyn son, ta’n Chiarn Jee dy ghra.

Daniel 9:24

Ta three-feed shiaghtinyn as jeih kiarit er dty phobble, as er dty ard-valley casherick, dy lhiettal mee-chraueeaght, as dy choyrt jerrey er peccah, as dy yannoo lhiasaghey son mee-chairys, as dy choyrt lesh stiagh ynrickys dy bragh farraghtyn, as dy sealal seose yn ashlish, as y phadeyrys, as dy ooilaghey yn er smoo casherick.

Leviticus 16:21

As ver Aaron e ghaa laue er kione y ghoayr bio, as harrishyn goaill-rish ooilley peccaghyn chloan Israel, as ooilley nyn loghtyn ayns ooilley nyn voiljyn, coyrt ad er kione y ghoayr; as ver eh ersooyl eh liorish laue dooinney treishteilagh, gys yn aasagh.

Leviticus 16:24

As nee eh e chorp y niee lesh ushtey ’syn ynnyd casherick, as cur mysh e gharmadyn, as cheet magh, as chebbal e oural-losht hene, as oural-losht yn phobble, as nee eh lhiasaghey er e hon hene, as son y pobble.

Leviticus 22:21

As quoi-erbee hebbys toyrtys-casherick dy oural-shee gys y Chiarn, dy yannoo e vreearrey mie, ny oural-aigney-arryltagh ayns dew, ny kirree; bee eh slane gyn cron, dy vod soiaghey ’ve jeant jeh: cha bee lheamys erbee er.

Leviticus 22:27

Tra ta lheiy, ny eayn, ny mannan ruggit, eisht bee eh er e voir shiaght laa; as veih’n hoghtoo laa, as maghey shen, bee soiagh jeant jeh son oural jean lesh aile gys y Chiarn.

Leviticus 3:13

As ver eh e laue er e chione, as y varroo eh kiongoyrt rish y chabbane-agglish: as nee mec Aaron spreih yn uill er yn altar ooilley mygeayrt.

Leviticus 3:2

As ver eh e laue er kione yn oural, as y varroo eh ec dorrys y chabbane-agglish, as nee mec Aaron ny saggyrtyn spreih yn uill er yn altar ooilley mygeayrt.

Leviticus 3:8

As ver eh e laue er kione yn oural echey, as y varroo eh kiongoyrt rish y chabbane-agglish: as nee mec Aaron yn uill echey y spreih mygeayrt er yn altar.

Leviticus 4:15

As ver shanstyr yn pobble nyn laueyn er kione y dow fenish y Chiarn, as bee’n dow er ny varroo fenish y Chiarn.

Leviticus 4:20

As nee eh rish y dow shoh, myr ren eh rish dow yn oural-peccah; shen myr nee eh rish; as nee’n saggyrt jannoo lhiasaghey er nyn son, as bee shen er ny leih daue.

Leviticus 4:24

As ver eh e laue er kione y ghoayr, as y varroo eh, raad t’ad marroo yn oural-losht, fenish y Chiarn: te oural-peccah.

Leviticus 4:26

As nee eh lostey ooilley’n eeh echey er yn altar, myr eeh yn oural-casherick son shee: as nee’n saggyrt jannoo lhiasaghey er e hon, mychione shoh e pheccah, as bee eh er ny leih da.

Leviticus 4:29

As ver eh e laue er kione yn oural-peccah, as y varroo eh ayns boayl yn oural-losht.

Leviticus 4:31

As nee eh goaill ass ooilley’n eeh, myr ta’n eeh er ny scarrey veih’n oural-casherick son shee; as nee yn saggyrt shen y lostey er yn altar son soar millish gys y Chiarn: as nee yn saggyrt lhiasaghey ’yannoo er e hon; as bee eh er ny leih da.

Leviticus 4:33

As ver eh e laue er kione yn oural-peccah, as shen y varroo son oural-peccah, raad varr ad yn oural-losht.

Leviticus 4:35

As nee eh goaill ersooyl ooilley’n eeh, myr ta eeh yn eayn er ny scarrey veih ny ourallyn-shee, as nee’n saggyrt ad y lostey er yn altar, myr ny ourallyn jeant lesh aile gys y Chiarn: as nee’n saggyrt jannoo lhiasaghey son e pheccah t’eh er n’yannoo, as bee eh er ny leih da.

Leviticus 4:4

As ver eh lesh y dow gys dorrys y chabbane-agglish, fenish y Chiarn: as ver eh e laue er kione y dow, as nee eh marroo yn dow fenish y Chiarn.

Leviticus 5:6

As ver eh lesh yn oural-loght echey gys y Chiarn, son e pheccah t’eh er n’yannoo, bwoirrinagh veih’n chioltane, eayn ny mannan jeh ny goair son oural-peccah; as nee’n saggyrt lhiasaghey ’yannoo son e pheccah.

Leviticus 6:7

As nee’n saggyrt lhiasaghey ’yannoo er e hon, fenish y Chiarn; as bee eh er ny leih da, son cre-erbee yn aggair t’eh er n’yannoo.

Leviticus 8:14

As hug eh lesh yn dow son yn oural-peccah: as chur Aaron as e vec nyn laueyn er kione y dow son oural-peccah.

Leviticus 8:18

As hug eh lesh y rea son oural-losht: as chur Aaron as e vec nyn laueyn er kione y rea.

Leviticus 8:22

As hug eh lesh y rea elley, yn rea son casherickey (ny saggyrtyn:) as hug Aaron as e vec nyn laueyn er kione y rea.

Leviticus 9:7

As dooyrt Moses rish Aaron, Immee gys yn altar, as cheb dty oural-peccah, as dty oural-losht, as jean lhiasaghey er dty hon hene, as son y pobble: as cheb oural y phobble, as jean lhiasaghey er nyn son; myr ta’n Chiarn er n’oardaghey.

Earrooyn 15:25

As nee’n saggyrt lhiasaghey son ooilley sheshaght cloan Israel, as bee eh er ny leih daue, son trooid mee-hushtey ve: as ver ad lhieu yn chebbal oc, oural jeant lesh aile gys y Chiarn, as nyn oural son peccah roish y Chiarn, son yn vee-hushtey oc.

Earrooyn 15:28

As nee’n saggyrt lhiasaghey ’yannoo son y persoon t’er n’yannoo peccah trooid mee-hushtey, fenish y Chiarn, dy yannoo lhiasaghey er e hon; as bee eh er ny leih da.

Earrooyn 25:13

As bee eh echey, as ec e luight ny lurg, eer yn conaant dy haggyrtys kinjagh; er-yn-oyr dy row eh jeean son ooashley e Yee; as dy ren eh lhiasaghey son cloan Israel.

Earrooyn 8:10

As ver oo lhiat ny Leviteyn roish y Chiarn, as ver cloan Israel nyn laueyn er ny Leviteyn:

Earrooyn 8:12

As ver ny Leviteyn nyn laueyn er king ny dew: as nee oo chebbal y derrey yeh son oural-peccah, as y jeh elley son oural-losht gys y Chiarn, dy yannoo lhiasaghey son ny Leviteyn.

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Romanee 3:25

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Romanee 5:11

As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Hebrewnee 10:4

Son cha vel eh possible dy jinnagh fuill terriu as goair goaill ersooyl peccaghyn.

1 Ean 2:2

As she eshyn yn lhiassaghey son nyn beccaghyn: as cha nee son ny peccaghyn ain ny-lomarcan, agh myrgeddin son peccaghyn yn seihll ooilley.