Leviticus 1:2 - Yn Vible Casherick 1775 1819

² Loayr rish cloan Israel, as abbyr roo, My ta dooinney erbee jiu cur lesh oural gys y Chiarn, ver shiu lhieu yn oural eu jeh’n maase, ta shen, jeh’n chelloo, as jeh’n chioltane.

Leviticus 1:2 ပူးပေါင်းရင်းမြစ်များ

Genesis 4:3

As haink eh gy-kione, lurg earish, dy dug Cain lesh jeh mess y thallooin son oural gys y Chiarn.

Genesis 4:5

Agh jeh Cain as jeh e oural cha ren eh soiaghey: as va Cain feer jymmoosagh, as va groam er e eddin.

1 Recortyssyn 16:29

Cur-jee da’n Chiarn y ghloyr cooie da e ennym, cur-jee lhieu ourallyn, as tar-jee kiongoyrt rish: cur-jee ooashley da’n Chiarn ayns aalid e chasherickys.

Ezra 3:5

As lurg shen heb ad yn oural-losht kinjagh, chammah jeh ny eaystyn-noa, as jeh ooilley feaillaghyn pointit y Chiarn, v’er ny chasherickey, as jeh dy chooilley unnane va chebbal dy aggindagh oural-arryltagh gys y Chiarn.

Exodus 20:24

Altar coirrey nee oo dooys, as er nee oo chebbal dty ourallyn-losht, as dty ourallyn-shee, dty chirree, as dty ghew; ayns dy chooilley ynnyd raad ta m’ennym er ny ooashlaghey, bee’m mayrt, as nee’m dty vannaghey.

Earrooyn 15:3

As dy jean shiu oural lesh aile gys y Chiarn, chebbal-losht ny oural, ayns cooilleeney breearrey, ny ayns oural dy aigney-arryltagh, ny ayns nyn feaillaghyn casherick, son oural-millish roish y Chiarn, jeh’n chelloo ny jeh’n chioltane:

Earrooyn 5:15

Eisht ver y dooinney lesh e ven gys y taggyrt, as ver eh lesh yn oural eck er e son, yn jeihoo ayrn jeh ephah dy veinn-oarn; cha deayrtee eh veg yn ooil er, ny cur frankincense er, son she oural-eadaghey t’ayn, as chebbal son imraa, cur lesh drogh-yannoo gys soilshey.

Earrooyn 7:15

Un dow aeg, un rea, un eayn jeh’n vleïn shen, son oural-losht:

Noo Mark 7:11

Agh ta shiuish gra, My jir dooinney rish e ayr ny e voir, She Corban eh, ta shen dy ghra, Yn chooid-choonee shen oddagh uss jerkal rish voym’s, te gioot er ny chasherickey gys Jee:

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Romanee 12:6

Fakin eisht dy vel ain caghlaa dy ghiootyn cordail rish y ghrayse t’er ny choyrt dooin, edyr y ve son phadeyrys, lhig dooin jannoo phadeyrys cordail rish y corrymid dy chredjue:

Ephesianee 5:2

As immee-jee ayns graih, myr ta Creest myrgeddin er chur graih dooinyn, as er choyrt eh-hene er nyn son, chebbal as oural son soar millish da Jee.