Leviticus 1:1 - Yn Vible Casherick 1775 1819

¹ As deïe yn Chiarn gys Moses, as loayr eh rish veih’n chabbane-agglish, gra,

Leviticus 1:1 ပူးပေါင်းရင်းမြစ်များ

2 Reeaghyn 16:13

As heb eh e oural-losht, as e oural-arran, as gheayrt eh magh e oural-feeyney, as spreih eh fuill yn oural-shee er yn altar.

2 Recortyssyn 29:32

As va coontey ny ourallyn ren y pobble y hebbal, three-feed as jeih dow, keead rea, as daa cheead eayn: v’ad shoh ooilley son oural-losht da’n Chiarn.

Exodus 19:3

As hie Moses seose gys Jee, son va’n Chiarn er n’eamagh huggey veih’n clieau, gra, Shoh myr nee oo loayrt rish thie Yacob, as ginsh da cloan Israel;

Exodus 24:12

As dooyrt y Chiarn rish Moses, Tar seose hym’s er y chronk, as fuirree ayns shen; as ver-yms dhyt buird chloaie, as leigh, as annaghyn ta mee er scrieu; dhyt’s dy ynsaghey daue.

Exodus 25:22

Shen y raad neem’s dty veeiteil, as loayr-ym rhyt veih erskyn stoyl y vyghin, as veih eddyr y daa cherubim ta er arg yn eanish, mychione dy chooilley nhee ver-yms er dty churrym da cloan Israel.

Exodus 29:42

Bee shoh ny oural-losht kinjagh trooid magh ny sheelogheyn eu, ec dorrys y chabbane-agglish, kiongoyrt rish y Chiarn; raad ver-ym meeiteil diu, dy loayrt riu ayns shen.

Exodus 3:4

As tra honnick y Chiarn, dy hyndaa eh dy lhiattee dy akin, dy ren Jee geamagh er, ass mean y thammag, as dooyrt eh, Voses, Voses. As dooyrt eh, Ta mee ayns shoh.

Exodus 33:7

As ghow Moses y cabbane, as hoie eh seose eh cheu-mooie jeh’n champ, tammylt veih’n champ, as denmys eh shen Cabbane-agglish y co-chruinnaght. As haink eh gy-kione, dy jagh dagh unnane, va shirrey gys y Chiarn, magh gys cabbane-agglish y co-chruinnaght, va cheu-mooie jeh’n champ.

Exodus 39:32

Myr shoh va mullagh er slane obbyr y chabbane-agglish: as ren cloan Israel cordail rish ooilley ny va’n Chiarn er harey da Moses, myr shen ren ad.

Exodus 40:29

As hug eh altar yn oural-losht liorish dorrys y chabbane-agglish; as heb eh er yn oural-losht, as yn oural-arran; myr va’n Chiarn er harey Moses.

Leviticus 7:38

Ad ren y Chiarn y oardaghey da Moses er slieau Sinai, er y laa doardee eh da cloan Israel nyn ourallyn y hebbal gys y Chiarn, ayns faasagh Sinai.

Leviticus 9:16

As hug eh lesh yn oural-losht, as heb eh shen cordail rish yn oardagh.

Earrooyn 1:1

As loayr y Chiarn rish Moses ayns faasagh Sinai, ayns cabbane-agglish y cheshaght, er y chied laa jeh’n nah vee, ’sy nah vleïn lurg daue v’er jeet ass cheer Egypt, gra,

Earrooyn 7:15

Un dow aeg, un rea, un eayn jeh’n vleïn shen, son oural-losht:

Earrooyn 7:89

As tra va Moses er n’gholl stiagh ayns cabbane-agglish y cheshaght, dy loayrt rish (Jee;) eisht ren eh clashtyn coraa fer loayrt rish veih stoyl y vyghin va er arg y chonaant, veih eddyr y daa cherubim: as loayr eh rish.

Noo Ean 1:17

Son va’n leigh er ny choyrt liorish Moses agh haink grayse as firrinys liorish Yeesey Creest.

Deuteronomy 27:6

Nee oo altar y Chiarn dty Yee y hroggal dy chlaghyn slane: as nee oo ourallyn-losht y hebbal eer gys y Chiarn dty Yee.