Joshua 9:9 - Yn Vible Casherick 1775 1819

⁹ As dooyrt ad rish, Veih cheer feer foddey ta dty harvaantyn er jeet, trooid arrym gys ennym y Chiarn dty Yee: son ta shin er chlashtyn jeh e ghoo mooar, as ooilley ny ren eh ayns Egypt,

Joshua 9:9 ပူးပေါင်းရင်းမြစ်များ

1 Reeaghyn 8:41

Myrgeddin, mychione joarree nagh vel jeh dty phobble Israel, agh cheet veih cheer foddey er graih dt’ennym;

Nehemiah 9:5

Eisht dooyrt ny Leviteyn, Jeshua, as Kadmiel, Bani, Hashabniah, Sherebiah, Hodijah, Shebaniah, as Pethahiah, Shass-jee seose as bannee-jee yn Chiarn nyn Yee son dy bragh as dy bragh; as bannit dy row dty ennym gloyroil, ta foddey erskyn dy chooilley vannaght as moylley.

Psalmyn 148:13

Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn 72:19

As bannit dy row ennym yn Ard-ooashley echey son dy bragh: as bee ooilley yn seihll er ny lhieeney lesh e Ard-ooashley. Amen, Amen.

Psalmyn 78:12

Agh yarrood ad ny v’eh er n’yannoo: as ny obbraghyn yindyssagh v’eh er hoilshaghey er nyn son oc.

Psalmyn 83:18

As bee fys oc, dy nee uss ta’n ennym ayd Jehovah: yn ynrycan Er smoo syrjey harrish ooilley yn seihll.

Exodus 15:14

Clynnee yn pobble, as bee aggle orroo; nee seaghyn greimmey cummaltee Phalestina.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Isaiah 55:5

Cur-my-ner, nee oo geamagh er ashoon nagh nhione dhyt; as nee ashoonyn joarree roie hood’s, er graih yn Chiarn dty Yee, as er graih Fer-casherick Israel; son t’eh er dty ghloyraghey.

Isaiah 66:19

As soie-yms cowrey orroo, as ver-ym ny scapailtee jeu gys ny ashoonyn, gys Tarshish, Pul, as Lud, ta tayrn y vhow, gys Tubal as Javan, gys ny ellanyn foddey jeh, nagh vel er chlashtyn my ghoo, chamoo er vakin my ghloyr; as nee ad soilshaghey my ghloyr mastey ny ashoonee.

Earrooyn 14:15

Nish my varrys oo ooilley’n pobble shoh myr un dooinney; eisht nee ny ashoonyn ta er chlashtyn jeh dty ghoo, loayrt, as gra,

Earrooyn 20:14

As hug Moses chaghteryn veih Kadesh, gys ree Edom, Myr shoh ta dty vraar Israel gra, Ta fys ayd er ooilley yn seaghyn t’er jeet orrin.

Jannoo 8:7

Son va Spyrrydyn neu-ghlen, geamagh lesh ard-choraa, cheet magh ass ymmodee va seaghnit lhieu: as va ymmodee va’n palsee orroo, as va baccagh er ny lheihys.

Deuteronomy 20:11

As my ver eh ansoor sheeoil dhyt, as cur fosley dhyt, eisht bee ooilley’n pobble ta ry-gheddyn ayn fo keesh dhyt, as bee ad fo dty reill.

Deuteronomy 20:15

Myr shoh nee oo rish ooilley ny ard-valjyn ta feer foddey voïd, nagh vel jeh ard-valjyn ny ashoonyn shoh.

Joshua 9:10

As ooilley ny ren eh rish daa ree ny Amoriteyn, va cheu elley dy Yordan, rish Sihon ree Heshbon, as rish Og ree Vashan, va cummal ayns Ashtaroth.

Joshua 9:16

As haghyr eh, ec kione three laa, erreish daue v’er n’yannoo yn conaant dy hee roo, dy geayll ad dy nee nyn naboonyn v’ad, as baghey er-gerrey daue.

Joshua 9:17

As ghow cloan Israel nyn yurnah, as haink ad gys ny ard-valjyn oc er y trass laa. Nish va ny ard-valjyn oc Gibeon, as Chephirah, as Beeroth, as Kirjath-jearim.

Joshua 9:24

As dreggyr ad Joshua, as dooyrt ad, Son dy row eh er ny insh da dty harvaantyn son firrinys, dy row yn Chiarn dty Yee er harey e harvaant Moses dy choyrt diuish ooilley’n cheer shoh, as dy stroie dy bollagh ooilley cummaltee ny cheerey, shoh’n oyr va shin ayns aggle baaish reue, as shoh ta shin er n’yannoo.