Joshua 9:24 - Yn Vible Casherick 1775 1819

²⁴ As dreggyr ad Joshua, as dooyrt ad, Son dy row eh er ny insh da dty harvaantyn son firrinys, dy row yn Chiarn dty Yee er harey e harvaant Moses dy choyrt diuish ooilley’n cheer shoh, as dy stroie dy bollagh ooilley cummaltee ny cheerey, shoh’n oyr va shin ayns aggle baaish reue, as shoh ta shin er n’yannoo.

Joshua 9:24 ပူးပေါင်းရင်းမြစ်များ

Lioar Yob 2:4

As dreggyr Satan y Chiarn, as dooyrt eh, Crackan son crackan; eer ooilley ny t’ec dooinney ver eh son e vioys hene.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Joshua 10:2

Dy row aggle mooar orroo, son dy row Gibeon ny ard-valley mooar, myr unnane jeh ny ard-valjyn reeoil, as son dy row eh ny s’troshey na Ai, as dy row ooilley e gheiney-caggee niartal.

Joshua 2:11

As cha leah’s cheayll shin ny reddyn shoh, ren ny creeaghyn ain lheïe, chamoo va veg y vree ayns dooinney erbee, kyndagh riuish: son y Chiarn yn Jee eu, t’eh ny Yee ayns niau heose, as er y thalloo wass.

Joshua 2:9

As dooyrt ee rish ny deiney, Ta fys aym dy vel y Chiarn er choyrt diu yn cheer, as dy vel atchim reueish er duittym orrinyn, as dy vel ooilley cummaltee yn cheer er choayl nyn mree kyndagh riuish.

Joshua 6:21

As stroie ad dy bollagh ooilley ny v’ayns yn ard-valley, chammah dooinney as ben, aeg as shenn, as dow, as keyrrey, as assyl, lesh foyr y chliwe.

Joshua 9:9

As dooyrt ad rish, Veih cheer feer foddey ta dty harvaantyn er jeet, trooid arrym gys ennym y Chiarn dty Yee: son ta shin er chlashtyn jeh e ghoo mooar, as ooilley ny ren eh ayns Egypt,