Joshua 9:21 - Yn Vible Casherick 1775 1819

²¹ As dooyrt ny princeyn roo, Ver mayd nyn mioys daue; (agh lhig daue ve deyrit dy yiarey fuygh, ad dy hayrn ushtey son ooilley’n pobble;) myr va ny princeyn er n’yialdyn daue.

Joshua 9:21 ပူးပေါင်းရင်းမြစ်များ

Jeremiah 46:22

Nee yn coraa oc thassane myr yn ard-nieu; son nee ad marchal lesh armee, as cheet urree lesh teighyn myr giareyderyn-fuygh.

Deuteronomy 29:10

Ta shiu ooilley nyn shassoo jiu, fenish y Chiarn y Jee eu; captanyn nyn tribeyn, nyn shanstyr, as nyn offishearyn, as ooilley deiney Israel,

Deuteronomy 29:11

Nyn vooinjer veggey, nyn mraane, as y joarree t’ayns dty champ, veih’n giareyder-fuygh, gys y tayrneyder-ushtey.

Joshua 10:1

Nish haink eh gy-kione, tra cheayll Adoni-zedeck ree Yerusalem dy row Joshua er ghoaill Ai, as er stroie eh dy bollagh; as dy row eh er n’yannoo rish Ai as e ree myr ren eh rish Jericho, as e ree; as dy row cummaltee Ghibeon er n’yannoo shee rish Israel, as baghey ny mast’ oc;

Joshua 9:15

As ren Joshua shee roo, as ren eh conaant roo, as hug eh nyn mioys daue; as ren princeyn y pobble breearrey dy reaylley’n chonaant.

Joshua 9:20

Agh shoh nee mayd roo; lhig mayd dy jarroo nyn mioys lhieu, er-aggle dy jig kerraghey orrin, er coontey’n breearrey ta shin er n’yannoo daue.

Joshua 9:23

Nish shen-y-fa ta shiu deyrit, as cha bee dooinney jeu seyr veih bondiaght, as bee shiu ry-hoi giarey fuygh, as tayrn ushtey, son thie my Yee.

Joshua 9:27

As doardee Joshua ad veih’n laa shen dy hirveish ayns giarey fuygh, as tayrn ushtey, son cabbane-agglish as altar y Chiarn, eer gys y laa jiu, ayns yn ynnyd baillish y reih.