Joshua 9:20 - Yn Vible Casherick 1775 1819

²⁰ Agh shoh nee mayd roo; lhig mayd dy jarroo nyn mioys lhieu, er-aggle dy jig kerraghey orrin, er coontey’n breearrey ta shin er n’yannoo daue.

Joshua 9:20 ပူးပေါင်းရင်းမြစ်များ

2 Recortyssyn 36:13

As dirree eh magh myrgeddin noi ree Nebuchadnezzar, hug eh fo kiangley loo liorish Jee: agh v’eh creoi-wannallagh, as ard-chreeagh noi chyndaa gys y Chiarn Jee Israel.

Raaghyn Creeney 20:25

Te ribbey da’n dooinney ta spooilley cooid chasherick; as lurg breearraghyn, shirrey brishey ad.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Romanee 1:31

Fegooish tushtey, brishey conaantyn, fegooish graih dooghyssagh, elgyssee, neu-vyghinagh:

1 Timothy 1:10

Cour maarderee, ny chour ocsyn ta cur rish peccah neu-ghooghyssagh, ny chour ocsyn ta geid deiney, cour breageryn, cour persoonyn oaiagh, as my ta red erbee elley ta noi ynsagh follan,

Joshua 9:19

As dooyrt ooilley ny princeyn rish y slane sheshaght, Ta shin fo breearrey daue liorish y Chiarn Jee Israel: shen-y-fa nish, cha vod mayd laue ’chur orroo.

Joshua 9:21

As dooyrt ny princeyn roo, Ver mayd nyn mioys daue; (agh lhig daue ve deyrit dy yiarey fuygh, ad dy hayrn ushtey son ooilley’n pobble;) myr va ny princeyn er n’yialdyn daue.