Joshua 9:13 - Yn Vible Casherick 1775 1819

¹³ As va ny siyn-feeyney shoh noa, tra lhieen shin ad; as cur-my-ner, t’ad raipit: as t’ad shoh nyn garmadyn as nyn mraagyn er n’aase shenn kyndagh rish y jurnah mooar liauyr.

Joshua 9:13 ပူးပေါင်းရင်းမြစ်များ

Noo Mian 9:17

Chamoo ta sleih coyrt feeyn noa ayns shenn voteilyn: er-nonney ta ny boteilyn scoltey, as ta’n feeyn er ny gheayrtey, as ta ny boteilyn dy choayl orroo; agh t’ad cur feeyn noa ayns boteilyn noa, as t’ad ny-neesht sauchey.

Noo Mark 2:22

Chamoo ta dooinney erbee cur feeyn noa ayns shenn voteilyn, er-nonney ta’n feeyn noa scoltey ny boteilyn, as ta’n feeyn deayrtit, as bee ny boteilyn dy choayl orroo: agh shegin da feeyn noa v’er ny chur ayns boteilyn noa.

Noo Luke 5:37

As cha vel dooinney erbee cur feeyn noa ayns shenn voteilyn; er-nonney scoltee yn feeyn noa ny boteilyn, as bee eh deayrtit, as bee ny boteilyn dy choayl er.

Deuteronomy 29:5

As ta mee er leeideil shiu rish da-eed bleïn ayns yn aasagh: cha daase nyn eaddagh shenn erriu, as cha row dty vraag raipit er dty chass.

Joshua 9:12

Yn arran shoh ghow shin cheh son nyn yurnah, tra haink shin veih’n thie er y laa haink shin magh dy heet hiuish; agh nish, cur-my-ner, te chirrym, as lheeah:

Joshua 9:14

As ghow ny ard-gheiney jeh’n bee oc, as cha ghow ad coyrle ec beeal y Chiarn.

Joshua 9:4

Hie ad gys obbyr dy cooishagh, as lhig ad orroo hene dy ve chaghteryn reeoil, as ghow ad shenn saick er nyn assylyn, as siyn-feeyney, shenn, raipit, as kerrit;

Joshua 9:5

As shenn vraagyn patchit er ny cassyn oc, as shenn eaddagh orroo; as va ooilley yn arran v’oc son nyn yurnah chirrym as lheeah.