Joshua 9:11 - Yn Vible Casherick 1775 1819

¹¹ Shen-y-fa loayr nyn shanstyr as ooilley cummaltee yn cheer ain rooinyn, gra, Gow-jee beaghey mêriu son y jurnah, as immee-jee nyn guail, as abbyr-jee roo, Ta shin dty harvaantyn: jean-jee er-y-fa shen conaant dy hee rooin.

Joshua 9:11 ပူးပေါင်းရင်းမြစ်များ

Genesis 43:12

As gow-jee ghaa wheesh dy argid ayns nyn laue, as yn argid v’er ny choyrt lesh reesht ayns beeal ny saick eu, cur-jee lhieu eh reesht ayns nyn laue, foddee dy nee marranys ve.

2 Reeaghyn 10:5

As hug fer-reill y thie, as kiannoort yn ard-valley, yn chanstyr myrgeddin, as oaseiryn y chloan, chaghteraght gys Jehu, gra, Ta shinyn dty harvaantyn, as nee mayd cre-erbee elley sailt; agh er son ree cha jean mayd soiaghey harrin: jean shen ny ta mie ayns dty hooillyn.

Esther 8:17

As ayns dy chooilley rheam, as ayns dy chooilley ard-valley, raad erbee dy daink sarey as decree yn ree, va boggey as gennallys, cuirraghyn as laa dy yien mie: as haink ymmodee jeh pobble y cheer harrish gys credjue ny Hewnyn: as v’ad ayns aggle roish ny Hewnyn.

Noo Luke 9:3

As dooyrt eh roo, Ny cur-jee lhieu nhee erbee son nyn yurnah, chamoo luirg, ny spagey, ny arran, ny argid; as ny lhig da daa chooat y pheesh y ve eu.

Joshua 1:11

Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.

Joshua 9:10

As ooilley ny ren eh rish daa ree ny Amoriteyn, va cheu elley dy Yordan, rish Sihon ree Heshbon, as rish Og ree Vashan, va cummal ayns Ashtaroth.

Joshua 9:12

Yn arran shoh ghow shin cheh son nyn yurnah, tra haink shin veih’n thie er y laa haink shin magh dy heet hiuish; agh nish, cur-my-ner, te chirrym, as lheeah:

Joshua 9:8

As dooyrt ad rish Joshua, Ta shin dty harvaantyn. As dooyrt Joshua roo, Quoi shiu hene? as cre voish haink shiu?