Joshua 9:1 - Yn Vible Casherick 1775 1819

¹ As haink eh gy-kione, tra cheayll ooilley ny reeaghyn va er cheu shoh dy Yordan jeh, ayns ny sleityn, as ayns ny coanyn, as ayns ooilley slystyn yn aarkey vooar jeeragh er Lebanon, yn Hittite, as yn Amorite, yn Canaanite, yn Perizzite, yn Hivite, as y Jebusite.

Joshua 9:1 ပူးပေါင်းရင်းမြစ်များ

2 Samuel 24:7

As haink ad gys cashtal lajer Tyre, as gys ooilley ard-valjyn ny Hiviteyn, as ny Canaaniteyn: as hie ad magh my-yiass jeh Judah, eer gys Beer-sheba.

Exodus 23:23

Son hed m’ainle’s royd, as ver eh lesh oo stiagh gys cheer ny Amoriteyn, as ny Hittiteyn, as ny Perizziteyn, as ny Chanaaniteyn, as ny Hiviteyn, as ny Jebusiteyn; as nee’m ad y yiarey jeh.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Exodus 3:17

As ta mee er ghra, Ver-ym lhiam shiu ass seaghyn Egypt, gys cheer ny Chanaaniteyn, as ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn, gys cheer taal bainney as mill.

Exodus 34:11

Cur tastey mie da shen ta mee nish dy dty harey: Cur-my-ner, ta mee gimman magh royd yn Amorite; as y Canaanite, as yn Hittite, as y Perizzite, as yn Hivite, as y Jebusite.

Earrooyn 13:29

Ta ny Amalekiteyn cummal ayns y cheer, my-yiass: as ta ny Hittiteyn, as ny Jebusiteyn, as ny Amoriteyn cummal ayns ny sleityn: as ta ny Canaaniteyn cummal er oirr ny marrey, as liorish slyst Yordan.

Earrooyn 34:6

As er son y chierroo heear, bee’n aarkey mooar hene eu son cagliagh: shoh vees y kierroo heear eu.

Deuteronomy 1:7

Chyndaa-jee, as gow-jee nyn yurnah, as immee-jee, gys cheer-ard ny Amoriteyn, as gys ooilley ny ynnydyn t’er-gerrey da, ’sy thalloo-rea, ayns ny croink, as ’sy choan, as ayns y jiass, as rish oirr ny marrey, gys cheer ny Canaaniteyn, as gys Lebanon, gys yn awin mooar shen, awin Euphrates.

Deuteronomy 3:25

Ta mee guee ort, lhig dou goll harrish, as shilley ’gheddyn jeh’n cheer mie shen ta cheu elley dy Yordan, yn slieau aalin shen, Lebanon.

Deuteronomy 4:49

As ooilley’n cheer-rea cheu shoh dy Yordan my-hiar, roshtyn gys faarkey’n strah, fo farraneyn Phisgah.

Deuteronomy 7:1

Erreish da’n Chiarn dty Yee v’er choyrt lesh oo stiagh gys y cheer shen ta kiarit dhyt son eiraght, as erreish dhyt v’er n’eiyrt magh royd ymmodee ashoonyn, ny Hittiteyn, as ny Girgashiteyn, as ny Amoriteyn, as ny Canaaniteyn, as ny Perizziteyn as ny Hiviteyn, as ny Jebusiteyn, shiaght ashoonyn ny smoo as ny s’pooaral na oo hene;

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 1:4

Veih’n aasagh as Lebanon shoh, eer gys yn awin vooar, yn awin Euphrates, ooilley cheer ny Hittiteyn, as gys yn aarkey vooar lesh lhie ny greiney vees cagliagh y cheer eu.

Joshua 10:23

As ren ad shen, as hug ad lhieu magh huggey ny queig reeaghyn shen ass yn ooig, ree Yerusalem, ree Hebron, ree Yarmuth, ree Lachish, as ree Eglon.

Joshua 11:17

Eer veih cronk Halak, ta er raad Seir, choud as Baal-gad, ayns coan Lebanon, fo cronk Hermon: as ghow eh ooilley ny reeaghyn oc, as woaill eh, as varr eh ad.

Joshua 13:5

As cheer ny Gibliteyn, as ooilley Lebanon, lesh y shiar, veih Baal-gad fo cronk Hermon derrey hig oo gys Hamath:

Joshua 15:12

As va’n chagliagh heear gys coast yn aarkey mooar. Shoh ayrn cloan Yudah ooilley mygeayrt, cordail rish nyn gynneeyn.

Joshua 22:4

As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

Joshua 22:7

Nish da’n derrey lieh jeh tribe Vanasseh va Moses er choyrt eiraght ayns Bashan; agh da’n lieh elley hug Joshua [eiraght] mastey nyn mraaraghyn er y cheu shoh dy Yordan lesh y sheear. As tra hug Joshua ad ersooyl gys nyn gummallyn, ren eh ad y vannaghey;

Joshua 23:4

Cur-jee my-ner, ta mee er rheynn erriu liorish lot ny ashoonyn shoh ta er-mayrn, dy ve son eiraght da ny tribeyn eu, veih Jordan, marish ooilley ny ashoonyn ta mee er yiarey jeh, derrey’n cheayn mooar lesh y sheear.

Joshua 24:11

As hie shiu harrish Jordan, as haink shiu gys Jericho: as ren deiney Yericho caggey nyn ’oï, ny Amoriteyn, as ny Perizziteyn, as ny Canaaniteyn, as ny Hittiteyn, as ny Girgashiteyn, ny Hiviteyn, as ny Jebusiteyn; as ren mee ad y livrey gys nyn laue.

Joshua 3:10

As dooyrt Joshua, Liorish shoh bee fys eu dy vel y Jee bio ny-vud eu, as dy jean eh son shickyrys geiyrt magh kiongoyrt riu ny Canaaniteyn, as ny Hittiteyn, as ny Hiviteyn, as ny Perizziteyn, as ny Girgashiteyn, as ny Amoriteyn, as ny Jebusiteyn.

Joshua 3:17

As ren ny saggyrtyn va gymmyrkey arg conaant y Chiarn shassoo shickyr er thalloo chirrym ayns mean Yordan, as ren ooilley ny Israeliteyn goll harrish er thalloo chirrym, derrey va’n slane pobble dy bollagh er gholl harrish Jordan.

Joshua 5:1

As haink eh gy-kione, tra va ooilley reeaghyn ny Amoriteyn, v’ayns naboonys Yordan er cheu-heear, as ooilley reeaghyn ny Canaaniteyn, v’er slyst ny marrey, er chlashtyn dy row yn Chiarn er hyrmaghey seose ushtaghyn Yordan roish cloan Israel, derrey v’ad er n’gholl harrish, dy ren ny creeaghyn oc gannooinaghey, chamoo va bree ayndoo veg sodjey, kyndagh rish cloan Israel.

Joshua 6:27

Myr shoh va’n Chiarn marish Joshua; as hie goo jeh magh trooid ooilley yn cheer.

Joshua 9:7

As dooyrt ard-gheiney Israel rish ny Hiviteyn, Foddee dy vel shiuish cummaltee yn cheer shoh; as kys oddys mayd coardail ’yannoo riu?